ପଦ୍ମପୁର(ଶାସକପ୍ରଶାସକ)-ନିଆଁ ଆଁରେ ହୁତ ହୁତ  ହୋଇ ଜଲିଗଲା ଚାଉଲ ବୋଝେଇ ଟ୍ରକ । ପାଇକମାଲ ରୁ ପଦ୍ମପୁର ପଟକୁ ଆସୁଥିବା ଏକ ଚାଉଲ ବୋଝେଇ ଟ୍ରକ (OD03R2916) ପାଇକମାଲ ଥାନା ବିଜାଡିହ ଛକ ଠାରେ ନିଆଁ ଲାଗି ଯାଇଥିଲା । ସୂଚନା ଅନୁସାରେ ଏହି ଟ୍ରକଟି ପାଇକମାଲ ଅଞ୍ଚଳରୁ ଚାଉଲ ବୋଝେଇ କରି ସୋନପୁର ଅଞ୍ଚଳକୁ ଯାଉଥିଲା । କୌଣସି କାରଣ ବସତଃ ଗାଡିରେ ନିଆ ଲାଗି ଯାଇଥିଲା ଏବଂ ତାହା ଧିରେ ଧୀରେ ବ୍ୟାପିବାରେ ଲାଗିଥିଲା ଏବଂ ଚାଉଲ ମଧ୍ୟ ପୋଡିଯାଇଥିଲା । ଖବର ପାଇ ପଦ୍ମପୁର ଅଗ୍ନିଶମ ବିଭାଗର ଏକ ଟିମ ପହଞ୍ଚି ନିଆଁକୁ ଆୟତ୍ତ କରିଥିଲେ । ଯେଉ ଚାଉଲ ଯାଉଥିଲା ତାହା ପିଡିଏସ ଚାଉଲ ନା ଆଉ କୌଣସି ପ୍ରକାର ଚାଉଲ ତାହା ଜଣା ପଡିନାହିଁ । ଏ ବିଷୟରେ ଯୋଗାଣ ବିଭାଗ ଅବଗତ ଅଛନ୍ତି ନା ନାହିଁ ତାହା ମଧ୍ୟ ଜଣା ନାହିଁ । ଆମେ ଏଠି ଜଣାଇ ଦେବା ପାଇଁ ଚାହୁଁ କି ବିଭିନ୍ନ ସମୟରେ ପିଡିଏସ ଚାଉଲ ଚୋରା ଚାଲାଣ ହେଉଥିବା ଖବର ସାମନାକୁ ଆସିଥାଏ । ହେଲେ ଗୋଟିଏ ଟ୍ରକରେ ଚାଉଲ ଯାଉଛି ତାହାର ଉପଯୁକ୍ତ କାଗଜପତ୍ର ରହିଛି ନାଁ ନାହିଁ ତାହା ମଧ୍ୟ ତଦନ୍ତ ସାପେକ୍ଷ । ଯୋଗାଣ ବିଭାଗ ଓ ବ୍ୟବସାୟୀ ମଧ୍ୟରେ ବୁଝାମଣାରେ ଚାଉଲ ଚାଲାଣ ଚାଲିଛି ତାହା ସନ୍ଦେହ ଘେରରେ ।