ଜଗତସିଂହପୁର/ସୁମନ୍ତ କୁମାର ଦାସ: ଜଗତସିଂହପୁର ଜିଲ୍ଲାପାଳ ଶ୍ରୀମତୀ ପାରୁଲ ପଟାୱରୀ ସିଡିଭିଓଙ୍କ ପରିଦର୍ଶନ ସହିତ ବିଭିନ୍ନ ବ୍ଲକରୁ ଆସିଥିବା ବ୍ଲକ ପ୍ରାଣିଚିକିତ୍ସା ଅଧିକାରୀ ଓ ପ୍ରାଣୀଚିକିତ୍ସକମାନଙ୍କ ସମୀକ୍ଷା ବୈଠକରେ ଯୋଗଦାନକରି ପ୍ରାଣିଧନ କେନ୍ଦ୍ରଗୁଡିକର ଗୃହ ମରାମତି, ବିଦ୍ୟୁତ ସଂଯୋଗୀକରଣ, ଗ୍ରାମୀଣ ଜଳ ଯୋଗାଣ, ଉପକରଣ ଯୋଗାଣ,ପ୍ରାଣୀଧନ ନିରୀକ୍ଷକ ପଦବୀ ପୂରଣ ଆଦି ଉପରେ ଆଲୋଚନା କରିଥିଲେ l ଏଥି ସହିତ ଏରସମା ପ୍ରାଣିଚିକିତ୍ସାଳୟ ନିମନ୍ତେ ଜାଗା ବ୍ୟବସ୍ଥା ସହିତ ବିରିଡି ବ୍ଲକରେ ୨ ଜଣ ପ୍ରାଣୀଧନ ନିରୀକ୍ଷକ ଦେବାପାଇଁ ଜିଲ୍ଲାପାଳ କହିଥିଲେ l ଏତଦବ୍ୟତୀତ, ସିଡ଼ିଭିଓ ଅଫିସ ଇ- ଅଫିସରେ ଇ ଦିସ୍ପାଚ ଏବଂ ସମସ୍ତଫାଇଲ ଅନ୍ତର୍ଭୁକ୍ତ କରିବାକୁ ନିର୍ଦେଶ ଦେଇଥିଲେ l ଜିଲ୍ଲା ମୁଖ୍ୟ ପ୍ରାଣୀ ଚିକିତ୍ସା ଅଧିକାରୀ ଡା. ବୀର କିଶୋର ପରିଡା ଜିଲ୍ଲାପାଳଙ୍କୁ ଜିଲାରେ କାର୍ଯ୍ୟକାରୀ ହେଉଥିବା ପ୍ରାଣୀସମ୍ପଦବିକାଶ ଭିତିକ ଯୋଜନା ଉପରେ ଅଲୋକପାତ କରିଥିଲେ l ସମସ୍ତ ଜିଲ୍ଲା ସ୍ତରୀୟ ବିଭାଗୀୟ ଅଧିକାରୀମାନେ ଜିଲ୍ଲାପାଳଙ୍କ ସହିତ ମତ ବିନିମୟ କରିଥିଲେ l