ବରଗଡ :- ଚେହେରା ଦେଖିଲେ ଜିଏଭି ଧୋଖା ଖାଇଯିବ । ପ୍ରଥମ ନଜରରେ ଦେଖିଲେ ଲାଗିବ କୋଣସି ଚଳଚିତ୍ର ର ହିରୋ । କିନ୍ତୁ ସତ୍ୟତା ଠିକ ବିପରୀତ । ଏହି ସୁନ୍ଦରିଆ ଚେହରା ପଛରେ ରହିଛି ଏକ ପେଷାଦାର ଅପରାଧୀ ।
ବରଗଡ ଜିଲ୍ଲା ଝାରବନ୍ଧ ଥାନା ଅଞ୍ଚଲର ଘୁଚାପଲି ଗ୍ରାମରେ ଏକ ଛୋଟିଆ ମହୋତ୍ସବ ଚାଲିଥିବା ବେଳେ , ପାଇକମାଲ ଥାନା ଅନ୍ତର୍ଗତ କଟଙ୍ଗପାଳି ଗ୍ରାମର ମୁକେଶ ରଞ୍ଜନ ସାହୁ (୨୫) ସେଠାରେ ଜଣେ ଛୋଟିଆ ବ୍ୟବସାୟୀ ଙ୍କୁ ବନ୍ଧୁକ ଦେଖାଇ ତାଙ୍କ ନିକଟରୁ ଟଙ୍କା ଛଡାଇ ଘଟଣା ସ୍ଥଳରୁ ବୁଲେଟ ରେ ଫେରାର ହୋଇ ଯାଇଥିଲା । ଏହି ଘଟଣା ଝାରବନ୍ଧ ପୋଲିସ ଜାଣିବା ପରେ ତୁରନ୍ତ ସକ୍ରିୟ ହୋଇ , ଅଭିଯୁକ୍ତ ଜଣକ ପାଇକମାଲ ପଟକୁ ଆସୁଥିବା ଜାଣି ପାଇକମାଲ ଥାନାକୁ ଖବର ଦେଇଥିଲା । ପାଇକମାଲ ଥାନାର କର୍ମଚାରୀ ମାନେ ତୁରନ୍ତ ମୁକେଶକୁ ଧରିବା ପାଇଁ ବାହାରି ତାକୁ ଧରିବାରେ ସଫଳ ହୋଇଥିଲେ । ଏହା ପରେ ଝାରବନ୍ଧ ପୋଲିସ ପାଇକମାଲ ଥାନାକୁ ଆସି ଅଭିଯୁକ୍ତ ମୁକେଶ କୁ ଝାରବନ୍ଧ ଥାନାକୁ ନେଇଥିଲେ । ମୁକେଶ ନାମରେ ଝାରବନ୍ଧ ଥାନାରେ କେଶ ନମ୍ବର 77/2022 , ଧାରା 392,25,27 ଆର୍ମସ ଆକ୍ଟ ରେ ମାମଲା ରୁଜୁ କରି ଘଟଣାର ତଦନ୍ତ ଜାରି ରହିଛି ।
ଏଠାରେ ସୂଚନାଯୋଗ୍ୟ ଯେ ଅଭିଯୁକ୍ତ ମୁକେଶ ରପୂର୍ବରୁ ପାଇକମାଲ ଥାନାରେ ଏକ ଏଟିଏମ ଚୋରି ର ମାମଲା ଜେଲ ଯାଇ ଫେରିଛି । ଝାରବନ୍ଧ ପୋଲିସ ଅଭିଯୁକ୍ତ ମୁକେଶ ନିକଟରୁ ଘଟଣାରେ ବ୍ୟବହାର କରାଯାଇଥିବା ବନ୍ଧୁକ , ଏକ ବୁଲେଟ ବାଇକ , ଓ ନଗଦ 3600 ଟଙ୍କା ଜବତ କରିଛି ।