ଭୁବନେଶ୍ୱର : ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଆଜି ସୌଜନ୍ୟମୂଳକ ସାକ୍ଷାତ କରିଛନ୍ତି ପ୍ରଖ୍ୟାତ ବଲିଉଡ ଅଭିନେତା ତଥା କୋଭିଡ ସମୟରେ ଲକ୍ଷଲକ୍ଷ ଲୋକଙ୍କ ପାଇଁ ମେସିହା ସାଜିଥିବା ଶ୍ରୀ ସୋନୁ ସୁଦ୍ । ଶ୍ରୀ ସୁଦଙ୍କ ଉଦ୍ୟମ ଓ ସମୟୀଚିତ ସହାୟତା କାରଣରୁ କୋଭିଡ ସଙ୍କଟ କାଳରେ ଓଡିଶାର ଶତାଧିକ ଛାତ୍ର ଓଡିଶା ଫେରି ଆସିପାରିଥିଲେ ।ଆଜିର ସାକ୍ଷାତ ସମୟରେ ସେଥିପାଇଁ ସୋନୁଙ୍କୁ ଧନ୍ୟବାଦ ଜଣାଇଛନ୍ତି ମୁଖ୍ୟମନ୍ତ୍ରୀ । ମୁଖ୍ୟମନ୍ତ୍ରୀଙ୍କୁ ଭେଟି ଖୁସି ପ୍ରକଟ କରିଛନ୍ତି ସୋନୁ । ଏହି ସାକ୍ଷାତ ସମୟରେ ମୁଖ୍ୟମନ୍ତ୍ରୀଙ୍କ ସଚିବ ଭି କେ ପାଣ୍ଡିୟନ ଉପସ୍ଥିତ ଥିଲେ ।