କାଶୀପୁର ରୁ ବୈକୁଣ୍ଠ ଦୁରିଆ :କାଶୀପୁର ମେଡ଼ିକାଲ ପରିସରରେ ସ୍ଥାନୀୟ ସାମ୍ବାଦିକ ଙ୍କୁ ଟିକିରି ଥାନା ଅଧିକାରୀ ଙ୍କର ଦୁର୍ବ୍ୟବହାର ଅଭିଯୋଗ । ଅଭିଯୋଗ ର ସମାଧାନ ଓ ଆଗକୁ ସମନ୍ୱୟ ବଜାଇ ରଖିବାକୁ ରାୟଗଡା ଜିଲ୍ଲା ପୋଲିସ ଅଧିକ୍ଷକ ଙ୍କ ନିକଟରେ କାଶୀପୁର ସାମ୍ବାଦିକ ଙ୍କ ଦାବି । ସାରା ରାଜ୍ୟରେ ସାମ୍ବାଦିକ ଙ୍କୁ ଖବର ସଂଗ୍ରହ ସମୟରେ ପୋଲିସ ପକ୍ଷରୁ ଦୁର୍ବ୍ୟବହାର କରାଯାଉଥିବା ହାଟ ରେ ପଡି ଦାଣ୍ଡରେ ଗଡୁଥିବା ଘଟଣା କ୍ରମାଗତ ଭାବେ ଦେଖିବାକୁ ମିଳୁଛି । ଏଭଳି ଅନୁରୁପ ଏକ ଘଟଣା କାଲି କାଶୀପୁର ମେଡ଼ିକାଲ ପରିସର ମଧ୍ୟରେ ଦେଖିବାକୁ ମିଳିଥିଲା । ସୂଚନା ଥାଉକି ମଙ୍ଗଳବାର ଦିନ ଟିକିରି ଫୋରେଷ୍ଟ ରେଞ୍ଜ ଅଧିନ ସଙ୍କରଡ଼ା ବିଟ ର କାର୍ଯ୍ୟରତ ଜଣେ ଫରେଷ୍ଟ ଗାର୍ଡ ରାମଚନ୍ଦ୍ର ଦାସ ଙ୍କର ନିଜ ସରକାରୀ ବାସ ଭବନ ରେ ମୃତ୍ୟୁ ଘଟିଯାଇଥିଲା । ତାଙ୍କ ପୈତୃକ ଗୃହ ନବରଙ୍ଗପୁର ଜିଲ୍ଲା ଦହିମାଳ ଗାଁ । ହେଲେ ଦୀର୍ଘ ବର୍ଷ ଧରି ସେ କାଶୀପୁର ବ୍ଲକ ଅନ୍ତର୍ଗତ କାଶୀପୁର ଏବଂ ଟିକିରି ରେଞ୍ଜ ଅଧିନ ରେ କାର୍ଯ୍ୟ କରିଆସୁଥିଲେ । ଉକ୍ତ ଘଟଣା ପରେ ବିଭାଗ ପକ୍ଷରୁ ସମ୍ପୃକ୍ତ ପରିବାର ଲୋକଙ୍କୁ ମଙ୍ଗଳବାର ସକାଳ ୯ ଘଣ୍ଟା ରେ ତାଙ୍କ ସ୍ଥିତି ସଙ୍କଟାପନ୍ନ ଥିବା ପୁଣି ପରବର୍ତ୍ତୀ ୧୧ ଘଣ୍ଟାରେ ତାଙ୍କର ମୃତ୍ୟୁ ହେଇଯାଇଥିବା ନେଇ ବିଭାଗ ପକ୍ଷରୁ ସୂଚନା ଦିଆଯାଇଥିଲା । ପୁଣି ପରିବାର ଘଟଣା ସ୍ଥଳରେ ପହଞ୍ଚି ବା ପୂର୍ବରୁ ତାଙ୍କ ମୃତ ଦେହ କୁ ତରବରିଆ ଭାବେ ବ୍ୟବଛେଦ ପାଇଁ କାଶୀପୁର ମେଡ଼ିକାଲ ପରିସରରେ ଅଣାଯାଇଥିଲା । କିନ୍ତୁ ଘଟଣା ସ୍ଥଳରେ ପହଞ୍ଚି ବା ପରେ ତାଙ୍କର ବିଳମ୍ବିତ ରାତିରେ ମୃତ୍ୟୁ ହେଇଯାଇଥିବା ଖବର ପାଇ ପରିବାର ଲୋକେ ପ୍ରଶାସନ ର ଏଭଳି କାର୍ଯ୍ୟକଳାପ ଉପରେ ସନ୍ଦେହ ପ୍ରକାଶ କରିବା ସହ ମୃତ ବ୍ୟକ୍ତି ଙ୍କ ସ୍ତ୍ରୀ ପୂର୍ବୀ ଦାସ ଏବଂ ପୁଅ ମଳୟ ଦାସ ପିତାଙ୍କ ଆକସ୍ମିକ ମୃତ୍ୟୁ ଓ ଅସଂଯତ ଅବସ୍ଥାରେ ମୃତ୍ୟୁ ଦେହ ପଡିଥିବା ଫୋଟ ଦେଖି ଏହା ଏକ ଯୋଜନାବଦ୍ଧ ଷଡଯନ୍ତ୍ର କରି ହତ୍ୟା କରାଯାଇଛି ବୋଲି ଅଭିଯୋଗ ଆଣିଥିଲେ |ଘଟଣାରେ ଉପସ୍ଥିତ ଗଣମାଧ୍ୟମ ଖବର ସଂଗ୍ରହ ନିମନ୍ତେ ଟିକିରି ଥାନା ଅଧିକାରୀ ବନ୍ଦନା ନାୟକ ଙ୍କର ପ୍ରତିକ୍ରିୟା ନେବାକୁ ଚେଷ୍ଟା କରୁଥିବାବେଳେ ସେ ପ୍ରତିକ୍ରିୟା ଦେବା ବଦଳରେ ସାମ୍ବାଦିକ ଙ୍କୁ ଦୁର୍ବ୍ୟବହାର କରିଥିବା ଦେଖିବାକୁ ମିଳିଥିଲା । ପ୍ରକାଶ ଥାଉ କି ଏଭଳି ଅନେକ ଘଟଣା ଅଞ୍ଚଳରେ ହେଇଥିବା ଦୃଷ୍ଟାନ୍ତ ରହିଛି । ଏଭଳି ଘଟଣାର ବାରମ୍ବାର ହେଉଥିଲେ ମଧ୍ୟ ପୋଲିସ ପକ୍ଷରୁ କୌଣସି ସୁଧାର ହେଇପାରିନାହିଁ । ଏଭଳି ସ୍ଥିତିରେ ପୋଲିସ ଓ ସାମ୍ବାଦିକ ଙ୍କର ସୁ-ସମ୍ପର୍କ ସ୍ଥାପନ ପାଇଁ କାଶୀପୁର ଥାନା ଜରିଆରେ ରାୟଗଡା ଜିଲ୍ଲା ପୋଲିସ ଆରକ୍ଷୀ ଅଧିକ୍ଷକ ଙ୍କର ନିକଟରେ ଘଟଣା କୁ ସଂଜ୍ଞାନ ରେ ନେଇ ଯଥାଶୀଘ୍ର ସମାଧାନ କରିବାକୁ ଦାବିପତ୍ର ପ୍ରଦାନ କରାଯାଇଛି । ଅନ୍ୟଥା ଅଞ୍ଚଳର ସାମ୍ବାଦିକ ସମୂହ ପୋଲିସ ସହ ସମ୍ପର୍କ ଛିନ୍ନ କରିବାକୁ ବାଧ୍ୟ ହେଇ ନିଜ କର୍ତ୍ତବ୍ୟ ସମ୍ପାଦନ କରିବା ନିମନ୍ତେ ନିଷ୍ପତ୍ତି ଗ୍ରହଣ କରାଯାଇଥିବା ପ୍ରକାଶ ପାଇଛି । |