ବିକାଶ ନାମରେ ପୁରୀ ଧାମର ଅସ୍ତିତ୍ବ ଓ ଆଦର୍ଶ ବିଲୋପର ମାର୍ଗ ପ୍ରସ୍ତୁତ କରୁଛି: ଶଙ୍କରାଚାର୍ଯ୍ୟ
ପୁରୀ (ଅନିମେଶ ପଟ୍ଟନାୟକ): ବିକାଶ ନାମରେ ହୋହଲ୍ଲା ପୁରୀ ଧାମର ଅସ୍ତିତ୍ବ ଓ ଆଦର୍ଶ ବିଲୋପର ମାର୍ଗ ପ୍ରସ୍ତୁତ କରୁଛି । ବିକାଶ କୁ ବିରୋଧ କରୁନି ହେଲେ ବିକାଶ ନାମରେ ତୀର୍ଥସ୍ଥଳୀକୁ ପିକନିକ ସ୍ଥଳ କରା ନଯାଉ । ଏପରି କହି ସରକାରଙ୍କ ଉପରେ ବର୍ଷିଛନ୍ତି ଜଗତଗୁରୁ ଶଙ୍କରାଚାର୍ଯ୍ୟ ।
ଶେଷରେ ସବୁ କଳ୍ପନାର ଅନ୍ତ ଘଟାଇ ମୁହଁ ଖୋଲିଛନ୍ତି ଶଙ୍କରାଚାର୍ଯ୍ୟ । ସବୁ ବର୍ଗର ଲୋକଙ୍କ ମତ ନେବା ପରେ ସରକାରଙ୍କୁ ମାରିଛନ୍ତି ତେରେଛା ବାଣ । ଚେତାବନି ଦେଇ କହିଛନ୍ତି ଯେ ଶାସନତନ୍ତ୍ର ନିଜକୁ ସର୍ବ ଶକ୍ତିମାନ ନ ଭାବୁ । ଲୋକମତ କେବେବି ଓଲଟି ଯାଇପାରେ । ତୀର୍ଥସ୍ଥଳ ଭୋଗସ୍ଥଳ ବା ପିକନିକ ସ୍ଥଳ ନ ହେବା ଉଚିତ । ଏହା ସରକାରଙ୍କ ଦାୟିତ୍ବ । ବିକାଶକୁ ମୁଁ ବିରୋଧ କରୁନି କିନ୍ତୁ ବିକାଶ ନାମରେ ପୁରୀ ଧାମର ଅସ୍ତିତ୍ବ ଓ ଆଦର୍ଶ ଲୋପ ପାଇ ଯିବ, ଏହାକୁ କେବେ ବି ସମର୍ଥନ କରିବିନି ବୋଲି ରୋକଠୋକ କହିଛନ୍ତି ଶଙ୍କରାଚାର୍ଯ୍ୟ ।
