ଜଗତସିଂହପୁର, /ସୁମନ୍ତ କୁମାର ଦାସ: ଶ୍ରୀ ପ୍ରଫୁଲ୍ଲ କୁମାର ଖଣ୍ଡାୟତ ରାୟ, ଗ୍ରାମ-ଓଡିଶାଗଡ ,ପୋଷ୍ଟ -ଆଶ୍ରମ ପାଟଣା ଜଣେ ଶତ ପ୍ରତିଶତ ଭିନ୍ନ କ୍ଷମ କ୍ରୀଡ଼ାବିତ୍ l ସେ ଜଣେ ଦିବ୍ୟାଙ୍ଗ କ୍ରୀଡ଼ା ବିତ୍ ହେଲେ ମଧ୍ୟ ୨୦୨୧-୨୨ ମସିହାରେ ଜାତୀୟ ସ୍ତରରେ ଅନୁଷ୍ଠିତ ହୋଇଥିବା ହୁଇଲ ଚେୟାର ଫେନ୍ସିଙ୍ଗ ରେ ଅଂଶ ଗ୍ରହଣ କରି ଆମ ଜିଲ୍ଲା ପାଇଁ ସ୍ୱର୍ଣ୍ଣ ପଦକ ଆଣି ଦେଇଥିଲେ l ଏହି ସଫଳତାକୁ ପାଥେୟ କରି ମେ ମାସ ୧୯ ତାରିଖ ରୁ ୨୨ ତାରିଖ ପର୍ଯ୍ୟନ୍ତ ଥାଇଲାଣ୍ଡ ରେ ହେବାକୁ ଥିବା ଆନ୍ତର୍ଜାତୀୟ ଵିଶ୍ୱ କପ୍ ରେ ଅଂଶ ଗ୍ରହଣ ନିମନ୍ତେ ଖେଳ ସାମଗ୍ରୀ ଓ ଗସ୍ତ ଖର୍ଚ୍ଚ ସହାୟତା ନିମନ୍ତେ ଜିଲ୍ଲାପାଳ ଙ୍କୁ ଅବଗତ କରିଥିଲେ l ଆଜି ଅପରାହ୍ନରେ ଜିଲ୍ଲାପାଳ ଶ୍ରୀମତୀ ପାରୁଲ୍ ପଟୱରୀ ସଦୟ ହୋଇ ସିଏସ୍ ଆଇ ପାଣ୍ଠିରୁ ଶ୍ରୀ ଖଣ୍ଡାୟତ ରାୟ ଙ୍କୁ ୩ ଲକ୍ଷ ଟଙ୍କା ର ସହାୟତା ରାଶି ପ୍ରଦାନ କରିବା ପାଇଁ ପ୍ରତିଶୃତି ଦେଇଥିଲେ ଓ ତାଙ୍କର ସଫଳତା କାମନା କରିଥିଲେ l କ୍ରୀଡ଼ା ଅଧିକାରୀଣୀ ଵିଶ୍ୱ ବିଜୟୀନୀ ପଟ୍ଟନାୟକ ଉପସ୍ଥିତ ଥିଲେ l