ନୟାଗଡ଼(ବିଶ୍ୱଜିତ ନାୟକ) – ଆଜି ସୂଚନା ଓ ଲୋକ ସଂପର୍କ ବିଭାଗର ଉପ ନିର୍ଦ୍ଧେଶକ (କେନ୍ଦ୍ରାଂଚଳ) ଶ୍ରୀ ହେମନ୍ତ କୁମାର ନାୟକ ଦୁଇ ଦିନିଆ ନୟାଗଡ଼ ଜିଲ୍ଲା ଗସ୍ତରେ ଆସି ଜିଲ୍ଲା ସୂଚନା ଓ ଲୋକ ସଂପର୍କ କାର୍ଯ୍ୟାଳୟର ତଦାରଖ କରି ଆଜି ଫେରିଛନ୍ତି । ଇତ୍ୟବସରରେ ଶ୍ରୀ ନାୟକ କାର୍ଯ୍ୟାଳୟର ରେକର୍ଡ ବହି ସହ ଅନ୍ୟାନ୍ୟ ସମସ୍ତ ରେକର୍ଡ଼ ଓ ନଥି ଯାଂଚ୍ କରିଥିଲେ । ଅଚଳ ଜିପଟିକୁ ଏମ.ଭି.ଆଇଙ୍କ ଦ୍ୱାରା ଯାଂଚ୍ କରାଇ ତାକୁ ନିଲାମ ପାଇଁ ଆବଶ୍ୟକୀୟ ପଦକ୍ଷେପ ନେବାକୁ ସେ ନିର୍ଦ୍ଦେଶ ଦେଇଥିଲେ । ସରକାରଙ୍କ ସମସ୍ତ କାର୍ଯ୍ୟକ୍ରମର ସଫଳ ରୂପାୟନ ନିମନ୍ତେ ଜିଲ୍ଲା ସୂଚନା ଓ ଲୋକ ସଂପର୍କ କାର୍ଯ୍ୟାଳୟର ଗୁରୁତ୍ୱ ବିଷୟରେ ବୁଝାଇ କହିଥିଲେ । ସମନ୍ୱୟ ରକ୍ଷା କରି ସମସ୍ତେ ସମସ୍ତଙ୍କ କାମ ଠିକ୍ ସମୟରେ ସାରିବା ପାଇଁ ମଧ୍ୟ ସେ ପରାମର୍ଶ ଦେଇଥିଲେ ।