ନିଶ୍ଚିନ୍ତକୋଇଲି(ଦେବେନ୍ଦ୍ର ଷଢଙ୍ଗୀ): ନିଶ୍ଚିନ୍ତକୋଇଲି ବ୍ଲକ ନତକାଇ ଗ୍ରାମପଂଚାୟତର ମୁକୁନ୍ଦପୁର ସ୍ଥିତ ସମିତିପଡ଼ିଆ ଠାରେ ତିନିପଂଚାୟତର ମିଳନ ସ୍ଥଳୀ ଗୋପପୁର-ନତକାଇ-ଓଥକା ଆନୁକୂଲ୍ୟରେ ସ୍ଥାନୀୟ ଅ ଳର ପ୍ରସିଦ୍ଧ ଶ୍ରୀ ଶ୍ରୀ ମଦନମୋହନ ମହାପ୍ରଭୁଙ୍କ ଦାଣ୍ଡଯାତ୍ରା ଉତ୍ସବ ମହାସମାରୋହରେ ଅନୁଷ୍ଠିତ ହୋଇଯାଇଛି । ଗତକାଲି ସନ୍ଧ୍ୟାପୂର୍ବରୁ ଦିଅଁଙ୍କର ସମସ୍ତ ନୀତିକାନ୍ତି ସରିବା ପରେ ରାତ୍ର ୮ଟା ବେଳକୁ ଦାଣ୍ଡଯାତ୍ରାର ପଟୁଆରି ବାହାରିଥିଲା । ବାଜା, ବାଣ , ଆତସବାଜି , ଆଲୋକ ସଜ୍ଜା, ଘଂଟ ମର୍ଦଳ ଶବ୍ଦ ସମସ୍ତଙ୍କ ମଧ୍ୟରେ ଏକ ଆଧ୍ୟାତ୍ମିକ ପରିବେଶ ସୃଷ୍ଟି କରିଥିଲା । ସେହିପରି ଭାବେ ବହୁ ଶ୍ରଦ୍ଧାଳୁ ଭକ୍ତମାନେ ରାମ , ଲକ୍ଷ୍ମଣ , ସୀତା , ହନୁମାନ , ରାବଣ ବେଶ ଧାରଣ କରିଥିଲେ । କାଳିସୀ ନୃତ୍ୟ ସହ ରାମଲୀଳା ଯାତ୍ରା ସମସ୍ତ ଭକ୍ତମାନଙ୍କ ମଧ୍ୟରେ ଶ୍ରୀହରଣ ସୃଷ୍ଟି କରିଥିଲେ । ତେବେ ଏହି କାର୍ଯ୍ୟକ୍ରମରେ ସ୍ଥାନୀୟ ଗୋପପୁର, ନତକାଇ , ଓଥକା ଗ୍ରାମର ସମସ୍ତ ଗ୍ରାମବାସୀମାନେ ପୂର୍ଣ୍ଣ ସହଯୋଗ କରିଥିଲେ ।