ଶୋକବ୍ୟକ୍ତ କଲେ ମନ୍ତ୍ରୀ, ବିଧାୟକ

ବରଗଡ଼: - ବରଗଡ଼ ଜିଲ୍ଲା ,ବରଗଡ଼ ସହରର ବିଶିଷ୍ଟ ଚାଷୀ ଓ ବରିଷ୍ଠ ବିଜେଡି ନେତା ପ୍ରଫୁଲ୍ଲ ଆଚାର୍ଯ୍ୟ ଙ୍କର ଆଜି ସନ୍ଧ୍ୟା 5.30 ମିନିଟରେ ବରଗଡ଼ ସହର 12 ନମ୍ବର ୱାର୍ଡ ସ୍ଥିତ ତାଙ୍କର ବାସଭବନରେ ତାଙ୍କର 77 ବର୍ଷ ବୟସରେ ପରଲୋକ ହୋଇଯାଇଛି l ପ୍ରଫୁଲ୍ଲ ଆଚାର୍ଯ୍ୟ ଜିଲାର ଜଣେ ପ୍ରଗତିଶୀଳ ଚାଷୀ ଭାବରେ ବେଶ ପରିଚିତ ଥିଲେ । ଶ୍ରୀ ଆଚାର୍ଯ୍ୟ 90 ଦଶକରୁ ଜନତା ଦଳର ସାଂଗଠନିକ କାର୍ଯ୍ୟ କରି ଆସୁଥିଲେ l ଏହା ବ୍ୟତୀତ ଜିଲ୍ଲା ର କଳା ସାହିତ୍ୟ ସଂସ୍କୃତି ଅନୁଷ୍ଠାନ ସହିତ ଜଡ଼ିତ ରହି ବିଲୁପ୍ତ ଲୋକକଳା ଓ ଲୋକ ସଂସ୍କୃତିକୁ ବଞ୍ଚାଇବା ପାଇଁ ସବୁବେଳେ ଚେଷ୍ଟିତ ଥିଲେ l ସ୍ବର୍ଗତ ପ୍ରଫୁଲ୍ଲ ଆଚାର୍ଯ୍ୟ ହେଉଛନ୍ତି , ପୂର୍ବତନ ମନ୍ତ୍ରୀ ଆନନ୍ଦ ଆଚାର୍ଯ୍ୟଙ୍କ ସାନ ଭାଇ ଏବଂ ରାଜ୍ୟସଭା ସାଂସଦ ତଥା ପୂର୍ବତନ ମନ୍ତ୍ରୀ ଶ୍ରୀ ପ୍ରସନ୍ନ ଆଚାର୍ଯ୍ୟଙ୍କ ବଡ଼ ଭାଇ ଓ ବର୍ତ୍ତମାନ ବରଗଡ଼ ବିଧାୟକ ଶ୍ରୀ ଦେବେଶ ଆଚାର୍ଯ୍ୟ ଙ୍କର କାକା । ତାଙ୍କ ଅକାଳ ବିୟୋଗ ଖବର ପାଇ ରାଜ୍ୟ ସରକାର ଙ୍କର କ୍ୟାବିନେଟ ମନ୍ତ୍ରୀ ଶ୍ରୀ ସୁଶାନ୍ତ ସିଂ ଗଭୀର ଶୋକବ୍ୟକ୍ତ କରିବା ସହିତ ଶୋକ ସଂତପ୍ତ ପରିବାର କୁ ସମବେଦନା ଜଣାଇଛନ୍ତି ।ଏହା ସହିତ ଶ୍ରୀ ଆଚାର୍ଯ୍ୟ ଙ୍କର ବିୟୋଗ ରେ ସ୍ଥାନୀୟ ବ୍ୟବସାୟୀ ସଙ୍ଘ , ସାମ୍ବାଦିକ ବନ୍ଧୁ , ବିଭିନ୍ନ ସ୍ବେଚ୍ଛାସେବୀ ଅନୁଷ୍ଠାନ ପକ୍ଷରୁ ଗଭୀର ଶୋକ ବ୍ୟକ୍ତ କରାଯାଇଛି l