ପୁରୀ (ଅନିମେଶ ପଟ୍ଟନାୟକ):  ରବିବାର ଘଟିଛି ଶ୍ରୀମନ୍ଦିରରେ ଅଘଟଣ । ମାଆ ବିମଳାଙ୍କ ଦର୍ଶନ ବେଳେ ଅଚେତ ହୋଇପଡିଲେ ବୃଦ୍ଧ । ଉଦ୍ଧାର ପରେ ବଡ଼ ମେଡିକାଲରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି ।
ସୂଚନା ମୁତାବକ , ଛତିଶଗଡର ୱାଇଜି ମୂର୍ତ୍ତି (୭୨) ନିଜ ପରିବାର ସହ ଜଗନ୍ନାଥ ଦର୍ଶନରେ ଆସିଥିଲେ । ଶ୍ରୀମନ୍ଦିରରେ ମହାପ୍ରଭୁଙ୍କ ଦର୍ଶନ ପରେ ମାଆ ବିମଳାଙ୍କ ଦର୍ଶନ ବେଳେ ସେ ଅଚେତ ହୋଇ ପଡ଼ିଥିଲେ । ପରିବାର ଲୋକ ଅନ୍ୟ ଲୋକଙ୍କ ସହାୟତାରେ ବଡ଼ ମେଡିକାଲ ନେଇଥିଲେ ହେଁ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ବୟସାଧିକ ହେତୁ ଶ୍ରୀ ମୂର୍ତ୍ତିଙ୍କୁ ଘରଲୋକେ ଜଗନ୍ନାଥ ଦର୍ଶନକୁ ବାରଣ କରୁଥିଲେ । ହେଲେ ମହାପ୍ରଭୁଙ୍କ ଦର୍ଶନ ମୋର ଶେଷ ଇଛା ବୋଲି କହି ପୁରୀ ଆସିଥିଲେ ବୋଲି ପରିବାର ପକ୍ଷରୁ କୁହାଯାଇଛି ।