ବିଜେପୁର: ବରଗଡ଼ ଜିଲ୍ଲା ବିଜେପୁର ବ୍ଲକ ପ୍ରାଥମିକ ଶିକ୍ଷକ ସଙ୍ଘର ବାର୍ଷିକ ସାଧାରଣ ସଭା ସ୍ଥାନୀୟ ଶିକ୍ଷକ ଭବନ ଠାରେ ଅନୁଷ୍ଠିତ ହୋଇଯାଇଛି । ଶ୍ରୀଯୁକ୍ତ ଭାଗବତ ସାହୁ ଙ୍କ ସଭାପତିତ୍ୱ ରେ ଅନୁଷ୍ଠିତ ଉକ୍ତ ସଭାରେ ବରଗଡ଼ ଜିଲ୍ଲା ପରିଷଦ ଅଧ୍ୟକ୍ଷା ମାନିନୀ ଭୋଇ ମୁଖ୍ୟ ଅତିଥି , ଗୋଷ୍ଠୀ ଶିକ୍ଷା କାର୍ଯ୍ୟାଳୟ ତରଫରୁ ଅତିରିକ୍ତ ଗୋଷ୍ଠୀ ଶିକ୍ଷାଧିକାରୀ ସୁଶାନ୍ତ କୁମାର ପାଣ୍ଡେ ସମ୍ମାନିତ ଅତିଥି ଭାବେ ଯୋଗଦାନ କରିଥିଲେ ।
ଉକ୍ତ ସଭା ରେ ବହୁ ସଂଖ୍ୟା ରେ ଶିକ୍ଷକ ଶିକ୍ଷୟିତ୍ରୀ ଯୋଗଦାନ କରିଥିଲେ । ନିକଟରେ ଅବସର ଗ୍ରହଣ କରିଥିବା ୧୮ ଜଣ ଶିକ୍ଷକ ଶିକ୍ଷୟିତ୍ରୀ ଙ୍କୁ ମାନପତ୍ର ଓ ଉପଢୌକନ ଦେଇ ସମ୍ମାନିତ କରାଯାଇଥିଲା । କୋଭିଡ଼ ପରବର୍ତ୍ତୀ ପରିସ୍ଥିତି ରେ ବିଦ୍ୟାଳୟ ପରିଚାଳନା ଶୀର୍ଷକ ଆଲୋଚନା ରେ ଶିକ୍ଷକ ଶିକ୍ଷୟିତ୍ରୀ ଗଣ ନିଜର ବହୁମୂଲ୍ୟ ମତାମତ ପ୍ରଦାନ କରିଥିଲେ ।କାର୍ଯ୍ୟକ୍ରମ କୁ ସଫଳ କରିବା ପାଇଁ ପ୍ରଶାନ୍ତ ପଣ୍ଡା ,ନବୀନ କୁମାର ସାହୁ , ସିତାରାମ ଦୀପ , ପ୍ରଭାତ ମୋହନ ମିଶ୍ର , ରାଜେଶ ସାହୁ , ସୌମ୍ୟରଞ୍ଜନ ପଧାନ , ଦୁର୍ବାଦଲ ବଡ଼ଗୁଛିଆ ପ୍ରମୁଖ ଶିକ୍ଷକ ସହଯୋଗ କରିଥିଲେ । ସମ୍ମାନିତ ହୋଇଥିବା ଶିକ୍ଷକ ଶିକ୍ଷୟିତ୍ରୀ ହେଲେ -ପ୍ରେମରାଜ ପଧାନ , ଉର୍ଦ୍ଧବ ପଟେଲ ,ଶୁଭକେଶୀ ନାଏକ , କସ୍ତୁରୀ ନାଗ , ସୁବାଷ ପଧାନ, ପ୍ରଫୁଲ୍ଲ କୁମାର ଦାଶ , ଫଗୁ ଲୁହା , ଗଙ୍ଗାଧର ପଧାନ , ଅଭିରାମ ବାରିକ , କବିତା ବିଶ୍ଵାଳ , ସୌକିଲାଲ ସାହୁ ,ଗୋପୀନାଥ ପଧାନ , ଲାଲସାହେବ ବିଗର୍ତ୍ତି , ସ୍ଵାଧୀନ କୁମାର ସାହୁ ଓ ପ୍ରତିମା ଗୁରୁ । ଶିକ୍ଷକ ଶ୍ରୀଯୁକ୍ତ ବିଭୁତି ଭୂଷଣ ସାହୁ ସଭା ପରିଚାଳନା କରିଥିବା ବେଳେ ଅତିଥି ପରିଚୟ ପ୍ରଦାନ କଲେ ଶିକ୍ଷକ ପ୍ରେମରାଜ ପଧାନ ଓ ଶେଷରେ ଶିକ୍ଷକ ସୁମନ୍ତ କୁମାର ଗଡ଼ତିଆ ଧନ୍ୟବାଦ ଅର୍ପଣ କରିଥିଲେ ।