ପାଟଣାଗଡ଼,(ଯତୀନ୍ଦ୍ର ନନ୍ଦ) ବଲାଙ୍ଗିର ଜିଲ୍ଲା ଲରମ୍ଭା ଥାନା ଅନ୍ତର୍ଗତ ଚମ୍ପାସରରେ ପେଟ୍ରୋଲିଂ କରୁଥିବା ବେଳେ ଲରମ୍ଭା ଥାନା ଏ.ଏସ୍‌.ଆଇ. କୁନୁ ସାହୁ ଏବଂ ଷ୍ଟାଫ୍ କୌଣସି ଏକ ସୂତ୍ରରୁ ଖବର ପାଇ ଚମ୍ପାସର ଗ୍ରାମରେ ଟ୍ରକ ସିଜି୦୪ଯେବି୮୫୨୫ ଓ ଗୋଟିଏ ଜେସିବି ଯାହାର ନମ୍ବର ଯେଏଚ୍‌୧୦ବିୱାଇ ୬୩୫୮ରେ ବକେଟରେ କିଛି ମାଙ୍ଗାନିଜ ପଥର ଲୋଡ୍‌ ଥାଇ ଜବତ କରାଯାଇଛି । ଏନେଇ ଲରମ୍ଭା ଥାନାରେ ଏକ ମାମଲାରୁଜୁ ହୋଇଛି । ଉକ୍ତ ମାମଲାକୁ ଲରମ୍ଭା ଥାନା ଅଧିକାରୀ ରାଜେନ୍ଦ୍ର ବେହେରା ତଦନ୍ତ କରିବା ସହ ଚମ୍ପାସର ଗାଁରୁ ମାଙ୍ଗାନିଜ ପଥର ଚୋରି କରିବା ପାଇଁ ଯାଇଥିବା ପାଞ୍ଚ ଜଣ ଅଭିଯୁକ୍ତଙ୍କୁ ମଧ୍ୟ ଗିରଫ କରି କୋର୍ଟଚାଲାଣ କରାଯାଇଛି । ଅଭିଯୁକ୍ତ ମାନେ ହେଲେ, ବବଲୁ ଅନସାରୀ (୨୯), ଅଯମଦ ଅନସାରୀ(୧୯), ଥାନା ରାଜଧନୱାରି ଜିଲ୍ଲା ଗିରିଡିହି (ଝାରଖଣ୍ଡ) । ରେସ୍ ଅହେମେଦ (୩୯), ରାଜକୁମାର ଯାଦବ(୨୯), ଥାନା କୁମ୍ଭାରି ଜିଲ୍ଲା ଦୁର୍ଗ(ଛତିଶଗଡ଼), ଲକ୍ଷ୍ମଣ ରେଡି(୪୨) ବରମ୍ ପୁର୍ (ରେଲୱେ କଲୋନୀ) ଥାନା ବୈଦ୍ୟନାଥପୁର ଜିଲ୍ଲା ଗଞ୍ଜାମ୍ (ଓଡିଶା ) ଏହି ପାଞ୍ଚ ଜଣକୁ ଗିରଫ କରି କୋର୍ଟଚାଲାଣ କରିଥିବା ନେଇ ଗତକାଲି ପ୍ରେସ ବିବୃତ୍ତିରେ ସୂଚନା ଦିଆଯାଇଛି ।