ମେଲଛାମୁଣ୍ଡା(ମନୋଜ ଭୋଇ)- ମେଲଛାମୁଣ୍ଡାସ୍ଥିତ ଜୁନିୟର ମହାବିଦ୍ୟାଳୟର ଛାତ୍ରୀ ମାନଙ୍କୁ ନେଇ ଗତ ୪ ତାରିଖରୁ ଆରମ୍ଭ ହୋଇଥିବା ଆତ୍ମ ସୁରକ୍ଷା ତାଲିମ ଶିବିର ମଙ୍ଗଲବାର ଉଦଯାପିତ ହୋଇଯାଇଛି । ଏଥିରେ ୬୮ ଜଣ ଛାତ୍ରୀ ୨ଟି ଗୃପରେ ଭାଗ ହୋଇ ଆତ୍ମରକ୍ଷା କୌଶଳ ମାଷ୍ଟରଟ୍ରେନର ସୁଶ୍ରୀ ଅନିତା ସାହୁଙ୍କ ଠାରୁ ଶିଖିଥିଲେ । ଶିବିରଟିକୁ କୋଡିନେଟର ଅଧ୍ୟାପକ ମହେଶ ମିଶ୍ର ଶିବିର ସଂଚାଲନା ଦାୟିତ୍ୱ ତୁଲାଇଥିଲେ । ଉଦଯାପନୀ ଉତ୍ସବରେ ଅଧ୍ୟକ୍ଷ ବିନୋଦ ବିହାରୀ ମିଶ୍ର ମୁଖ୍ୟ ଅତିଥିଭାବେ ଯୋଗ ଦେଇ ଶିବିରାର୍ଥିନୀ ମାନଙ୍କୁ ପ୍ରମାଣ ପତ୍ର ପ୍ରଦାନ କରିଥିଲେ । ସଭାରେ ଛାତ୍ରୀମାନେ ଶିକ୍ଷାଲାଭ କରିଥିବା କୌଶଲ ପ୍ରର୍ଦଶନ କରିଥିଲେ । ସପ୍ତାହବ୍ୟାପି କାର୍ଯ୍ୟକ୍ରମ ସବୁକୁ ସୁବାଷ ପଧାନ, ସୁନିଲ ଜୈନ, ହୃଷିକେଶ ସାହୁ, ମିନତି ରଥ, ସବିତା ସେଠ, ସଂଯୁକ୍ତା କାଣ୍ଡ, ଉପେନ୍ଦ୍ର ଜାଳ ଓ ତ୍ରୀନାଥ କାଣ୍ଡ ସହଯୋଗ କରିଥିଲେ । ଶେଷରେ କୋଡିନେଟର ଶ୍ରୀ ମିଶ୍ର ଧନ୍ୟବାଦ ଅର୍ପଣ କରିଥିଲେ ।