ମେଲଛାମୁଣ୍ଡା(ମନୋଜ ଭୋଇ)-ଘେଁସସ୍ଥିତ ଉଚ୍ଚ ବିଦ୍ୟାଳୟ ପରିସରରେ ସୋମବାର ଦିନ ସ୍କୁଲର ଦଶମ ଶ୍ରେଣୀର ଛାତ୍ର ଛାତ୍ରୀଙ୍କ ପାଇଁ ସ୍କୁଲ ତରଫରୁ ବିଦାୟ ସମ୍ବର୍ଦ୍ଧନା ସଭା ପ୍ରଧାନ ଶିକ୍ଷକ ଦୁଃଶାସନ ସେନାପତୀଙ୍କ ସଭାପତୀତ୍ୱରେ ଆୟୋଜନ କରାଯାଇଥିଲା । ସଭାରେ ସ୍କୁଲର ଚେୟାରମ୍ୟାନ ସରୋଜ କୁମାର ଭୋଇ ମୁଖ୍ୟ ଅତିଥି ଭାବେ ଯୋଗ ଦେଇ ବିଦାୟୀ ଛାତ୍ରଛାତ୍ରୀଙ୍କୁ ଉଦବୋଧନ ଦେଉଥିବା ବେଳେ ଅଚାନକ ଅସୁସ୍ଥ ଅନୁଭବ କରି ବସି ପଡିଥିଲେ । ସ୍କୁଲ କର୍ତ୍ତୃପକ୍ଷ ତାଙ୍କ ପରିବାର ଲୋକଙ୍କ ଜରିଆରେ ସୋହେଲା ଡାକ୍ତରଖାନାକୁ ଚିକିତ୍ସା କରିବାକୁ ନେଇଥିଲେ । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ତାଙ୍କ ନିଧନ ଖବର ସ୍କୁଲ କର୍ତ୍ତୃପକ୍ଷ, ଛାତ୍ରଛାତ୍ରୀ ତଥା ଅଂଚଳବାସୀଙ୍କ ମନରେ ଶୋକର ଲହରି ଖେଲାଇ ଦେଇଥିଲା । ସ୍ୱଗତ ଭୋଇ ଜଣେ ମିଷ୍ଟଭାଷୀ, ମେଳାପି ତଥା ପରୋପକାରୀ ବ୍ୟକ୍ତି ଥିଲେ । ସେ ସ୍କୁଲ ଚେୟାରମେନ ବ୍ୟତିତ ସହିଦ ମାଧୋ ସିଂ ଆଚଳିକ କୃଷକ ସଂଗଠନର ସଭାପତୀ, କୃଷକ ସାଥୀ ତଥା ଅନ୍ୟାନ୍ୟ ସଂଗଠନର ସକ୍ରିୟ ସଦସ୍ୟ ରହି ଅଂଳର ଉନ୍ନତିରେ ଭାଗିଦାରୀ ହେଉଥିଲେ ।