ପୁଜା ପାଉଛି ମଶାମରା ଜନ୍ତ୍ର , ପଦ୍ମପୁର ସହରରେ ମଶାଙ୍କ ପ୍ରାର୍ଦୁଭାବ
ପଦ୍ମପୁର(ନୀଳ ଦୀପ)- ବରଗଡ ଜିଲ୍ଲା ପଦ୍ମପୁର ସହରରେ ଦିନକୁ ଦିନ ମଶାଙ୍କ ପ୍ରାର୍ଦୁାଭାବ ବୃଦ୍ଧି ପାଇବାରେ ଲାଗିଛି । ସହରର ନାଳ ନର୍ଦ୍ଧମାଗୁଡିକ ନିୟମିତ ଭାବରେ ସଫା କରା ଯାଉ ନ ଥିବା କାରଣରୁ ଏହା ମଶାଙ୍କ ବଂଶବୃଦ୍ଧିରେ ସହାୟକ ହୋଇଛି । ଏହା ସହିତ ସହରର ମୁଖ୍ୟ ଛକ ଗୁଡିକରେ କୁଢ କୁଠ ମଇଲା ଜମା ହୋଇ ରହିବା ସହିତ ସହର ମଧ୍ୟରୁ ବର୍ଷାଜଳ ନିଷ୍କାସନ ହୋଇ ନ ପାରି ଅନେକ ସ୍ଥାନରେ ଜମା ହୋଇ ରହୁଥିବାରୁ ମଶାଙ୍କ ପ୍ରାଦୁର୍ଭାବ ଅହେତୁକ ଭାବରେ ବଢିବାରେ ଲାଗିଛି । ଅନ୍ଧାର ହେବା ମାତ୍ରେ ଘର ଭିତର ଏବଂ ବାହାରେ ମଶା କାରଣରୁ ସହରବାସୀ ଅତିଷ୍ଠ ହୋଇ ପଡୁଛନ୍ତି । ତଥାପି ବିଜ୍ଞାପିତ ଅଂଚଳ ପରିଷଦ ତରଫରୁ କୌଣସି ପଦକ୍ଷେପ ନିଆ ଯାଉ ନ ଥିବାରୁ ଜନସାଧାରଣରେ ଅସନ୍ତୋଷ ବୃଦ୍ଧି ପାଇବାରେ ଲାଗିଛି । ଏଥର ସହିତ ମଶାଙ୍କ କାରଣରୁ ସହରରେ ବିଭିନ୍ନ ରୋଗ ସଂକ୍ରମଣର ଆଶଙ୍କା ଦେଖା ଦେଇଥିବାରୁ ପ୍ରଶାସନ ଏଥି ପ୍ରତି ଦୃଷ୍ଟି ଦେଇ ଯଥାଶୀଘ୍ର ପଦକ୍ଷେପ ନେବା ପାଇଁ ସାଧାରଣରେ ଦାବୀ ଜୋଇ ଧରିଛି ।
