ଯାଜପୁରରୋଡ୍ (ଜୟଶଙ୍କର ଦଶ ): ଯାଜପୁର ଜିଲ୍ଲା ସ୍କୁଲର ପ୍ରାକ୍ତନ ଛାତ୍ରୀ ଜିଗିଷା ସେନାପତି ଡାକ୍ତରୀ ପଢ଼ୁଥିବାରୁ ଜିଲ୍ଲାପାଳ ଅଭିନନ୍ଦନ ଜଣାଇଛନ୍ତି । ୨୦୧୫ ମାଟ୍ରିକ ପରୀକ୍ଷାରେ ହାସଲ କରିଥିଲେ ଶତକଡା ୯୪ ପ୍ରତିଶତ ମାର୍କ । +୨ ବିଜ୍ଞାନ ପଢିଲେ ନରସିଂହ ଚୈାଧୁରୀ ମହାବିଦ୍ୟାଳୟରେ । ଶତକଡା ୮୬ ନମ୍ୱର ରଖି ପାସ କରିଥିଲେ । । ବିନା କୈାଣସି କୋଚିଂରେ ନିଜେ ନିଜ ଉଦ୍ୟମରେ ପଢ଼ି ହାସଲ କଲେ ଅନନ୍ୟ କୃତିତ୍ୱ । ୨୦୧୮ ମସିହା ନିଟ୍ ପରୀକ୍ଷାରେ କୃତିତ୍ୱ ହାସଲ କରି ଡାକ୍ତରୀ ପଢିବା ପାଇଁ ଶ୍ରୀରାମ ଚନ୍ଦ୍ର ଭଞ୍ଜ ମେଡିକାଲ କଲେଜରେ ନାମ ଲେଖାଇଛନ୍ତି ମେଧାବୀ ଛାତ୍ରୀ ଜିଗିଷା ସେନାପତି । ନିଜର ଆତ୍ମ ବିଶ୍ୱାସ ଓ କଠୋର ଅଧ୍ୟବସାୟ ବଳରେ ଜିଗିଷା ଯେଉଁ ସୋପାନରେ ଆଜି ପହଞ୍ଚିଛନ୍ତି ତାହା ଅନେକ ଅର୍ଥ ଖର୍ଚ୍ଚ ସହ ବର୍ଷ ଧରି ଦାମିକା, ପ୍ରତିଷ୍ଠିତ ଅନୁଷ୍ଠାନରେ କୋଚିଂ ନେଇ ମଧ୍ୟ ସପଂଳତା ହାସଲ କରିପାରୁ ନାହାନ୍ତି । ବାପା ରାଖାଲ ସେନାପତି ବରୀସ୍ଥିତ ଗୋପବନ୍ଧୁ ମହାବିଦ୍ୟାଳୟର ପଦାର୍ଥ ବିଜ୍ଞାନରେ ଅଧ୍ୟାପକ ଥିବାବେଳେ ମା' ଅମିତା ଦାଶ ଜଣେ ଗୃହିଣୀ ଓ ଜଣେ ଏକ ମାତ୍ର ଭାଇ ଜିଲ୍ଲା ସ୍କୁଲରେ ଅଷ୍ଟମ ଶ୍ରେଣୀର ଛାତ୍ର । ଦିନକୁ ୧୦ ରୁ ୧୨ ଘଣ୍ଟା ପରିଶ୍ରମ କରୁଥିଲେ ବୋଲି ଜିଗିଷା କୁହନ୍ତି । ଯଦି ଜଣେ ନିଜ ଲକ୍ଷ୍ୟ ହାସଲ ପାଇଁ ଏକନିଷ୍ଠ ଉଦ୍ୟମ କରିବ ତେବେ ନିଶ୍ଚୟ ସଫଳ ହେବ । ଭବିଷ୍ୟତରେ ଜଣେ ଭଲ ଡାକ୍ତର ହେବା ସହ ଦୁସ୍ଥ ଓ ଗରିବଙ୍କର ସେବା ମୁଖ୍ୟ ଉଦେ୍ଧଶ୍ୟ ରହିବ ବୋଲି ସେ କୁହନ୍ତି । ଜିଗିଷାଙ୍କର ଏହି ସଫଳତା ପାଇଁ ଜିଲ୍ଲାପାଳ ରଂଜନ କୁମାର ଦାସ ଅଭିନନ୍ଦନ ଜଣାଇବା ସହ ଶୁଭେଚ୍ଛା ଜଣାଇଛନ୍ତି । ଜିଗିଷା ଶୁକ୍ରବାର ଜିଲ୍ଲା ସ୍କୁଲକୁ ଆସି ସମସ୍ତ ଶିକ୍ଷକ ଶିକ୍ଷୟିତ୍ରୀଙ୍କ ଆଶିଷ ଗ୍ରହଣ କରିଥିଲେ ।
