ନୟାଗଡ(ବିଶ୍ଵଜିତ ନାୟକ ) -ନୟାଗଡ଼ ନୂଆଗାଁ ଅଂଚଳରୁ ୧୪ଲକ୍ଷରୁ ଉର୍ଦ୍ଧ୍ବ ଟଙ୍କାର କୋରେକ୍ସ ଜବତ ହୋଇଛି । ସୂଚନା ଅନୁଯାୟୀ ବେଆଇନ ଭାବେ ଚାଲାଣ କରାଯାଉଥିବା ବିପୁଳ ପରିମାଣର କପସିରଫ ନୂଆଗାଁ ପୋଲିସ ଜବତ କରିବା ସହ ୩ ଜଣଙ୍କୁ ପୋଲିସ ଗିରଫ କରିଛି । ଗିରଫ ଅଭିଯୁକ୍ତମାନେ ହେଲେ କଟକ ଜିଲ୍ଲା ଜଗତପୁର ଥାନା ଅନ୍ତର୍ଗତ ଗୁଜରପୁର ଗାଁର ମୁସ୍ତାକ ଖାନ୍, କେନ୍ଦ୍ରାପଡ଼ା ଜିଲ୍ଲା ପାଟକୁରା ଥାନା ଅନ୍ତର୍ଗତ ଗୋବିନ୍ଦପୁର ଗାଁର ଚନ୍ଦ୍ରଶେଖର ଗ୍ରହାଚାର୍ଯ୍ୟ ଏବଂ ନୟାଗଡ଼ ଟାଉନଥାନା ସିନ୍ଦୁରିଆର ହାଇଦର ମଲ୍ଲିକ ଓରଫ ଲଲ । ୩ ଜଣ ଅଭିଯୁକ୍ତ କଟକର କୈାଣସି ଏକ ସ୍ଥାନରୁ ଦଶପଲ୍ଲା ନେଇ ଯାଉଥିବା ବେଳେ ନୂଆଗାଁ ପୋଲିସ ମେଗା ନର୍ସରୀ ନିକଟରେ ଧରିବାରେ ସଫଳ ହୋଇଛି । ତନଖି ସମୟରେ ଉକ୍ତ ଗାଡ଼ିରେ ୬୦ ପେଟି ଅର୍ଥାତ ୯୬୦୦ ବୋତଲ୍ କଫ୍ ସିରଫ ଏବଂ ୪ ଷ୍ଟ୍ରିଫ୍ ଆଲ୍ପ୍ରା ଜୋଲାମ୍ ଟାବଲେଟ୍ ରହିଥିବା ଦେଖାଯାଇଥିଲା । ସେମାନଙ୍କଠାରୁ ୫ଟି ମୋବାଇଲ ଫୋନ୍ ଏବଂ ନଗଦ ୧୬ ଶହ ଟଙ୍କା ଜବତ ହୋଇଛି । ଅଭିଯୁକ୍ତମାନଙ୍କୁ ଗିରଫ ପରେ କୋର୍ଟ ଚାଲାଣ କରାଯାଇଥିବା ଅତିରିକ୍ତ ଆରକ୍ଷୀ ଅଧିକ୍ଷକ ଉମାକାନ୍ତ ମଲ୍ଲିକ, ଏସଡିପିଓ ଶୁଭେନ୍ଦୁ ସିହ୍ନା ଏବଂ ନୂଆଗାଁ ଥାନା ଅଧିକାରୀ ବସନ୍ତ କୁମାର ସାହୁ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ।