ମୁଖ୍ୟମନ୍ତ୍ରୀ ଓ ମନ୍ତ୍ରୀ ସୁଶାନ୍ତଙ୍କୁ ଧନ୍ୟବାଦ ଜଣାଇଲେ ବିଜୟିନୀ ରୋଜି

ବରଗଡ :- ତ୍ରିସ୍ତରୀୟ ପଞ୍ଚାୟତ ନିର୍ବାଚନ ଭୋଟ ଗଣତିର ଆଜି ତୃତୀୟ ଦିନ । ଆଜି ହୋଇଥିବା ମତଗଣନା ଅନୁସାରେ ଭଟଲି ନିର୍ବାଚନ ମଣ୍ଡଳୀ ଅନ୍ତର୍ଗତ ସୋହେଲା ଯୋନ 3 ର ବିଜୁ ଜନତା ଦଳ ପ୍ରାର୍ଥୀନୀ ଶ୍ରୀମତୀ ରୋଜି ନାୟକ ନିଜର ନିକଟତମ ପ୍ରତିଦ୍ବନ୍ଦୀ ଭାରତୀୟ ଜନତା ପାର୍ଟି ର ଶ୍ରୀମତୀ ଜାନକୀ ଦାସ ଙ୍କୁ 13 824 ଖଣ୍ଡ ଭୋଟ ରେ ପରାଜିତ କରିଛନ୍ତି । ପ୍ରାପ୍ତ ସୂଚନା ମୁତାବକ ବିଜେଡି ପ୍ରାର୍ଥୀନୀ ଶ୍ରୀମତୀ ନାୟକ ସମୁଦାୟ 21359 ଖଣ୍ଡ ଭୋଟ ପାଇଥିବା ବେଳେ ବିଜେପି ପ୍ରାର୍ଥୀନୀ ଙ୍କୁ ମିଳିଛି ମାତ୍ର 7535 ।
ଏଠାରେ ସୂଚନାଯୋଗ୍ୟ ଯେ ସୋହେଲା ବ୍ଲକ ରୁ ଆଜି ସୁଦ୍ଧା ଜିତିଥିବା ସମସ୍ତ ପ୍ରାର୍ଥୀ ମାନେ ଜିଲ୍ଲାରେ ସର୍ବାଧିକ ରେକର୍ଡ଼ ସଂଖ୍ୟକ ଭୋଟ ବ୍ୟବଧାନ ରେ ନିଜର ନିକଟତମ ପ୍ରତିଦ୍ବନ୍ଦୀ ବିଜେପି ପ୍ରାର୍ଥୀ ମାନଙ୍କୁ ପରାଜିତ କରିଛନ୍ତି ।
ନିଜର ବିଜୟର ଶ୍ରେୟ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ , ସ୍ଥାନୀୟ ଲୋକପ୍ରିୟ ବିଧାୟକ ତଥା ରାଜ୍ୟ ସରକାର ଙ୍କର କ୍ୟାବିନେଟ ମନ୍ତ୍ରୀ ଶ୍ରୀ ସୁଶାନ୍ତ ସିଂ , ଦଳୀୟ କର୍ମୀ ଓ ଭୋଟର ଙ୍କୁ ପ୍ରଦାନ କରିଛନ୍ତି ।