ହାଟଡ଼ିହୀ,(ମକରଧ୍ବଜ ଜେନା):ତ୍ରୀସ୍ତରୀୟ ପଞ୍ଚାୟତ ନିର୍ବାଚନର ପ୍ରଥମ ପର୍ବ ପ୍ରାର୍ଥୀ ପତ୍ର ଦାଖଲ ର ଶେଷ ଦିନରେ କେନ୍ଦୁଝର ଜିଲ୍ଲା ଆନନ୍ଦପୁର ଉପକଣ୍ଠ ହାଟଡ଼ିହୀ ବ୍ଲକ ଅନ୍ତର୍ଗତ ୩୭ ନଂ ଜୋନ୍ ରୁ ରମେଶ ଚନ୍ଦ୍ର ସା କଂଗ୍ରେସ ଦଳ ତରଫରୁ ପ୍ରାର୍ଥି ହୋଇଛନ୍ତି । ସମର୍ଥକ ମୁରଲିଧର ନାୟକ ଓ ପ୍ରସ୍ତାବକ ଆଲୋକ ବିଶ୍ୱାଳ ଙ୍କ ସହ ତାଙ୍କର ଶତାଧିକ ଶୁଭେଚ୍ଛୁଙ୍କ ସହ ନିଜ ଗ୍ରାମ ଶାଳଣିଆଁ ରୁ ପୂଜାର୍ଚ୍ଚନା ସାରି ଆନନ୍ଦପୁର ଉପ-ଜିଲ୍ଲାପାଳଙ୍କ କାର୍ଯ୍ୟାଳୟରେ ପହଞ୍ଚି ନାମାଙ୍କନ ପତ୍ର ଦାଖଲ କରିଛନ୍ତି । ଅଞ୍ଚଳର ଅତି ଅବହେଳିତ ଅବସ୍ଥାରେ ଥିବା ଶାଳଣିଆଁ ଗୋଷ୍ଠି ସ୍ୱାସ୍ଥ୍ୟକେନ୍ଦ୍ର, ମରୈଗାଁ-ବଳିପୁର ରାସ୍ତା, ପାନୀୟଜଳ ସମସ୍ୟା, ଶିକ୍ଷା ର ସମସ୍ୟା କୁ ନେଇ ପ୍ରାର୍ଥି ହୋଇଥିବା ଶ୍ରୀଯୁକ୍ତ ସା ପ୍ରକାଶ କରିଛନ୍ତି । ଅଞ୍ଚଳବାସୀଙ୍କ ଅନେକ ଦାବି ସତ୍ତ୍ୱେ ଏସବୁ ସମସ୍ୟାର ସମାଧାନ ହେଉନାହିଁ । ତେଣୁ ସେ ଲୋକ ପ୍ରତିନିଧି ଭାବେ କାର୍ଯ୍ୟ କରିବା ପାଇଁ ଏଭଳି ପଦକ୍ଷେପ ନେଇଛନ୍ତି । ଜଣେ ସାଲିସବିହୀନ ନିର୍ବିବାଦୀୟ ବ୍ୟକ୍ତି ଭାବେ ସେ ସ୍ଥାନୀୟ ଅଞ୍ଚଳରେ ବେଶ୍ ଜଣାଶୁଣା । ନିଜର ବ୍ୟକ୍ତିତ୍ୱ ଓ ଦଳୀୟ ସମର୍ଥନ ପାଇ ସେ ଜିଲ୍ଲାପରିଷଦ ନିର୍ବାଚନରେ ବିଜୟୀ ହେବେ ବୋଲି ପ୍ରକାଶ କରିଛନ୍ତି ।