ଜଗତସିଂହପୁର/ସୁମନ୍ତ କୁମାର ଦାସ: ନେହେରୁ ଯୁବକେନ୍ଦ୍ର ସଂଗଠନ, ଜଗତସିଂହପୁର ଶାଖା ଆନୁକୂଲ୍ୟରେ ସ୍ୱାମୀ ବିବେକାନନ୍ଦ ଜୟନ୍ତି ଉପଲକ୍ଷେ ଜିଲ୍ଲାସ୍ତରୀୟ ଯୁବ ସମ୍ମିଳନୀ ପ୍ରଫୁଲ ପାଠାଗାର, ଓଡିଶାଗଡ, ଗଙ୍ଗାଧର ସମ୍ମିଳନୀ କକ୍ଷରେ ସଭାପତି ରବୀନ୍ଦ୍ରନାଥ ତ୍ରିପାଠୀଙ୍କ ଅଧକ୍ଷତାରେ ଅନୁଷ୍ଠିତ ହୋଇଯାଇଛି l ଉକ୍ତ ସଭାରେ ସମ୍ମାନିତ ଅତିଥି ଭାବେ ନିଖିଲ କୁକୁଲା, ଜିଲ୍ଲା ଯୁବ ଅଧିକାରୀ, ନେହେରୁ ଯୁବକେନ୍ଦ୍ର ଶ୍ରୀ ସୋମ, ସୁକାନ୍ତ କୁମାର ଲେଙ୍କା, ଶିକ୍ଷାବିତ ବଂଶୀଧର ଆଚାର୍ଯ୍ୟ ଆଦି ଯୋଗ ଦେଇଥିଲେ | ମୁଖ୍ୟ ଅତିଥି ଭାବେ ଅଧ୍ୟାପକ ଗୋପାଲକୃଷ୍ଣ ମିଶ୍ର, ମୁଖ୍ୟ ବକ୍ତା ଭାବେ ଅଧ୍ୟାପକ ହିମାଂଶୁ ଶେଖର ଆଚାର୍ଯ୍ୟ ଯୋଗଦେଇ ସ୍ୱାମୀ ବିବେକାନନ୍ଦଙ୍କ ବାଣୀ, ଜୀବନ ଦର୍ଶନ ଓ ଯୁବଶକ୍ତି ଉପରେ ଆଲୋକପାତ କରିଥିଲେ ଲ ପ୍ରଫୁଲ୍ଲ ପାଠାଗାର ର ଉପଦେଷ୍ଟା ବିଜୟ କୁମାର ପତି ସଂଯୋଜନା ଓ ଅତିଥି ପରିଚୟ ପ୍ରଦାନ କରିଥିବାବେଳେ ସଂପାଦକ ସୁରେନ୍ଦ୍ର ରାୟ ଧନ୍ୟବାଦ ଅର୍ପଣ କରିଥିଲେ|
ଏହି ସମାବେଶରେ ଜିଲ୍ଲାର ବିଭିନ୍ନ ବ୍ଲକରୁ ମନୋନୀତ ଯୁବକ ସଂଘ ଓ ବ୍ଲକମାନଙ୍କୁ ଖେଳ ଉପକରଣ ନେହେରୁ ଯୁବକେନ୍ଦ୍ର ତରଫରୁ ଅତିଥିମାନଙ୍କ ଦ୍ୱାରା ପ୍ରଦାନ କରାଯାଇଥିଲା l ଶେଷରେ ବିଭିନ୍ନ ସାଂସ୍କୃତିକ ଅନୁଷ୍ଠାନ ଦ୍ୱାରା ମନୋରଞ୍ଜନ କାର୍ଯ୍ୟକ୍ରମ ପରିବେଷଣ କରାଯାଇଥିଲା l ଏହି କାର୍ଯ୍ୟକ୍ରମକୁ ନେହେରୁ ଯୁବକେନ୍ଦ୍ରର ସଂଯୋଜକ ପବିତ୍ରମୋହନ ସୁବୁଦ୍ଧି ପରିଚାଳନା କରିଥିଲେ l
