ପାରଳାଖେମୁଣ୍ଡି / ବାଳକୃଷ୍ଣ ପାଣିଗ୍ରାହୀ : ଜୀବନରେ ସ୍ୱାସ୍ଥ୍ୟବାନ ରହିବାପାଇଁ ଖେଳିବା ସହିତ ଯୋଗାସନ ପ୍ରାଣାୟାମ ପାଇଁ ସମୟ ଦେବା ନିହାତି ଆବଶ୍ୟକ। ସେହିପରି ପଢିବା , ବିଚାର କରିବା , ହସଖୁସି ରହିବା ଏବଂ ପ୍ରାର୍ଥନା କରିବା ପାଇଁ ସମୟ ଦେବାର ଆବଶ୍ୟକତା ବିଷୟରେ ଆଭାସୀ ବାଳ ମୁକୁନ୍ଦ କାର୍ଯ୍ୟକ୍ରମରେ ସ୍ୱାମୀ ନିଗମାନନ୍ଦ ଜୀ ପିଲାମାନଙ୍କୁ ବୁଝାଇଥିଲେ। ପରବର୍ତ୍ତୀ ଭଜନ, ଗଳ୍ପକଥନ ଓ ଭଲକାର୍ଯ୍ୟ କଥନରେ ଶିଶୁ ଜ୍ୟୋତିର୍ମୟୀ ପାଲାକା , ଅନନ୍ୟା , ପ୍ରଜ୍ୟୋତି , ଶୁଭଲକ୍ଷ୍ମୀ ପାଣି , ପ୍ରଣତି ପ୍ରମୁଖ ସକ୍ରିୟ ଅଂଶ ଗ୍ରହଣ କରିଥିଲେ। ଏଥିରେ ସଂଯୋଜକ ନିତ୍ୟାନନ୍ଦ ଚୌଧୁରୀ ସେମାନଙ୍କୁ ସହଯୋଗ କରିଥିଲେ ଏବଂ ସ୍ୱାମୀ ମୁକୁନ୍ଦାନନ୍ଦ ଜୀଙ୍କ ବାର୍ତ୍ତା କହିବା ସହ ଦୈନନ୍ଦିନ ଜୀବନରେ ବର୍ତ୍ତମାନ ପରିସ୍ଥିତିରେ କିଭଳି ଆମେ ଚଲିବା ତାହା ପରାମର୍ଶ ଦେଇଥିଲେ।