ମେଲଛାମୁଣ୍ଡା(ମନୋଜ ଭୋଇ)-ମେଲଛାମୁଣ୍ଡା ବସଷ୍ଟାଣ୍ଡ ନିକଟରେ ମଙ୍ଗଲବାର ସଂଧ୍ୟାରେ ବହୁପ୍ରତିକ୍ଷିତ ଏଟିଏମର ଶୁଭାରମ୍ଭ ଅବସରପ୍ରାପ୍ତ ସମବାୟ ସମିତି ସଂପାଦକ ନିମାଇଁ ଚରଣ ପଣ୍ଡାଙ୍କ କରକମଲରେ ହୋଇଯାଇଛି । ମେଲଛାମୁଣ୍ଡା ଅଂଚଳବାସୀ ଦୀର୍ଘ ଦିନରୁ ଏକ ଏଟିଏମ ଦାବୀ କରି ଆସୁଥିଲେ । ମାତ୍ର ତାହା ପୁରଣ ହୋଇପାରୁ ନ ଥିଲା । ମେଲଛାମୁଣ୍ଡା ବସଷ୍ଟାଣ୍ଡ ବାସିନ୍ଦା ରମେଶ ପଣ୍ଡା ବ୍ୟକ୍ତିଗତ ଉଦ୍ୟମ ପରେ ଏହି ଏଟିଏମ ସ୍ଥାପନ ହୋଇଥିବା ଯୋଗୁ ଅଂଚଳବାସୀଙ୍କ ଜରୁରି ସମୟରେ ଟଙ୍କାର ଆବଶ୍ୟକତାକୁ କିଛି ମାତ୍ରରେ ଲାଘବ ପ୍ରୟାସ କରିବାକୁ ଚେଷ୍ଟା କରିଛନ୍ତି । ଶ୍ରୀ ପଣ୍ଡାଙ୍କ ଏହି ନିଆରା ପ୍ରୟାସକୁ ବୁଦ୍ଧିଜୀବି ମହଳରେ ପ୍ରଂଶସା କରାଯାଇଛି । ଏଟିଏମ ଉଦଘାଟିତ ଅବସରରେ ଅଂଚଳର ଅନେକ ଗଣ୍ୟମାନ୍ୟ ବ୍ୟକ୍ତି ଉପସ୍ଥିତ ଥିଲେ । ପ୍ରକାଶ ଯୋଗ୍ୟ ଯେ ମେଲଛାମୁଣ୍ଡା ବସଷ୍ଟାଣ୍ଡଟି ଶିକ୍ଷା, ସ୍ୱାସ୍ଥ୍ୟ ଏବଂ ବ୍ୟବସାୟୀକ ଦୃଷ୍ଟି କୋଣରୁ ଗୁରୁତ୍ୱ ବହନ କରିଥାଏ । ପ୍ରତିଦିନ ବସଷ୍ଟାଣ୍ଡରେ ଶତାଧିକ ସଂଖ୍ୟାରେ ଜନସମାଗମ ହୋଇଥାଏ । ଆବଶ୍ୟକଥିବା ଏଟିଏମର ଶୁଭାରମ୍ଭ ପରେ ଜନସାଧାରଣ ଉପକୃତ ହେବେ ବୋଲି ପ୍ରତିଷ୍ଠାତା ଶ୍ରୀ ପଣ୍ଡା ବେଶ ଆଶା ବ୍ୟକ୍ତ କରିଛନ୍ତି ।