ଅସ୍ତରଙ୍ଗ(ଦୁଃଶାସନ ନାୟକ) : ପୁରିଜିଲ୍ଲା ଅସ୍ତରଙ୍ଗ ବ୍ଲକ ଅଞ୍ଚଳରେ ରାଜ୍ୟସରକାରଙ୍କର ବିଭିନ୍ନ ପ୍ରକଳ୍ପ ରବିବାର ଦିନ ଉଦ୍ଘାଟିତ ହୋଇଯାଇଅଛି । ପ୍ରଥମରେ ଏହି ବ୍ଲକ ଅନ୍ତର୍ଗତ ଖଣ୍ଡାସାହି ସ୍ୱପ୍ନେଶ୍ୱର ନୋଡାଲ ର 10 ଲକ୍ଷ୍ୟ ଟଙ୍କା ବ୍ୟୟରେ ନିର୍ମିତ ଵିଦ୍ୟାଳୟ ଗୃହକୁ କ୍ରୀଡା ଓ ଯୁବ ବ୍ୟାପାର ମନ୍ତ୍ରୀ ତୁଷାରକାନ୍ତି ବେହେରା,ଜଗତସିଂହପୁର ସାଂସଦ ରାଜଶ୍ରୀ ମଳିକ, ପୁରିଜିଲା ପରିଷଦ ଅଧ୍ୟକ୍ଷ ଜ୍ୟୋତିର୍ମୟ ଦଳାଇ ଓ ବ୍ଲକ ଅଧ୍ୟକ୍ଷ ସ୍ୱାଧୀନ କୁମାର ନାୟକ, ବ୍ଲକ ଉପାଧ୍ୟକ୍ଷ ମିନତୀ ସ୍ଵାଇଁ ଆଦି ଉଦ୍ଘାଟନ କରିଛନ୍ତି | ମୁଖ୍ୟମନ୍ତ୍ରୀ ସଡକ ଯୋଜନାରେ ନୂଆଗଡ ମାଛଧରା ବନ୍ଦର ରାସ୍ଥା ଠାରୁ ନାନପୁର ଦେଇ ଡ଼ମସୁଣ 3 କିଲୋମିଟରରାସ୍ଥା ର 3କୋଟି 66ଲକ୍ଷ, ସିଦ୍ଧିପୁର-ବେଳଙ୍ଗ ର 5 କିଲୋମିଟର ରାସ୍ତା ପାଇଁ 5 କୋଟି 55 ଲକ୍ଷ, ଟଙ୍କାର ନବୀକରଣ ପାଇଁ ଶିଳାନ୍ୟାସ ହୋଇ ଥିବାବେଳେ ଅସ୍ତରଙ୍ଗ ବ୍ଲକ ର ମୁଖ୍ୟ କାର୍ଯ୍ୟଳୟ ପାଇଁ 30 ଲକ୍ଷ ଟଙ୍କା ଓ ସରିପୁର ପଞ୍ଚୟତ ର ମିଶନ ଶକ୍ତି ଗୃହ କାର୍ଯ୍ୟ ପାଇଁ୧୨ ଲକ୍ଷ ଟଙ୍କାରେ କାର୍ଯ୍ୟ ସମାପ୍ତ ହୋଇ ଯାଇଥିବାରୁ ସେ ସବୁ ଉଦ୍ଘାଟନ ହୋଇଥିବା ଜଣାପଡିଅଛି। ଏହିସବୁ ଉଦ୍ଘାଟନ ଦିବସରେ ଜିଲ୍ଲା ପରିଷଦ ସଭ୍ୟ ପଞ୍ଚାନନ ସ୍ଵାଇଁ, ଅସ୍ତରଙ୍ଗ ବ୍ଲକ ବି ଡି ଓ ବେବିତାମଞ୍ଜରୀ ନୟକ, କାକଟପୁର ଗ୍ରାମ୍ୟ ଉନ୍ନୟନ ବିଭାଗର ସହକାରୀ ଯନ୍ତ୍ରୀ ଉମାକାନ୍ତ ସାମନ୍ତରାୟ, ସହକାରୀ ଯନ୍ତ୍ରୀ କୃଷ୍ଣଚନ୍ଦ୍ର ତାଡ଼ଙ୍କ ସମେତ ବିଭିନ୍ନ ବିଭାଗର ପଦାଧିକାରୀ ଓ ଚକ୍ରଧର ପରିଡା, ଅମୀୟକୁମାର ମହାନ୍ତି,ମନୋରଞ୍ଜନ ସ୍ଵାଇଁ , ସରପଞ୍ଚ ମଙ୍ଗୁଳି ପ୍ରଧାନ,ମାନସରଞ୍ଜନ ସାହୁ ପ୍ରମୁଖ ଉପସ୍ଥିତ ଥିଲେ ।