ନୂଆପଡା ରୁ ଯଶୋବନ୍ତ କୁମାର : ମହାମାରୀ କରୋନାର ନୂଆଁ ସ୍ୱରୂପ ଓମିକ୍ରନକୁ ନେଇ ଆଜି ଚଳନା ଉଚ୍ଚ ପ୍ରାଥମିକ ବିଦ୍ୟାଳୟ ଠାରେ ଛାତ୍ରଛାତ୍ରୀଙ୍କୁ ସଚେତନ କରାଯାଇଛି । ପୂର୍ବତନ ଭାଜପା ଜିଲ୍ଲା ସଭାପତି ତଥା ବର୍ତ୍ତମାନ ଭାଜପା ରାଜ୍ୟ କାର୍ଯ୍ୟକାରିଣୀ ସଦସ୍ୟ ସମାଜସେବୀ ଶିବପ୍ରସାଦ ମୁଣ୍ଡ ଓମିକ୍ରନ୍ କୁ ନେଇ ଛାତ୍ରଛାତ୍ରୀ ଓ ଶିକ୍ଷକ ମାନଙ୍କୁ ଅଧିକ ସଚେତନ ରହିବାକୁ ବୁଝାଇଥିଲେ । ଏଥିସହ ଉଭୟ ଛାତ୍ରଛାତ୍ରୀ ଓ ଶିକ୍ଷକଙ୍କୁ ମାସ୍କ ବଣ୍ଟନ କରିଥିଲେ । ଏଥିସହ କିପରି ବିଦ୍ୟାଳୟର ଆନୁସଙ୍ଗିକ ବିକାଶ କରିବା ସହ ଏକ ଉତ୍ତମ ଶୈଖିକ ବାତାବରଣ ସୃଷ୍ଟି କରିବାକୁ ଶ୍ରୀ ମୁଣ୍ଡ ଶିକ୍ଷକ ମାନଙ୍କୁ ଉତ୍ସାହିତ କରିଥିଲେ । ଏହି ଅବସରରେ ବିଦ୍ୟାଳୟର ଭାରାପ୍ରାପ୍ତ ପ୍ରଧାନ ଶିକ୍ଷକ ସାରଙ୍ଗପାଣି ଦଣ୍ଡସେନାଙ୍କ ସହ ବରିଷ୍ଠ ଶିକ୍ଷକ କିଶୋର କୁମାର ସାହୁ, ଶିକ୍ଷାୟିତ୍ରୀ ମମିତା ପାଟ୍ଟେଯାଷୀ ସହକାରୀ ଶିକ୍ଷକ ଶିବପ୍ରସାଦ ମେହେର, ଡୋଲାମଣି ମେହେର, ବୈଷ୍ଣବ ମେହେର ପ୍ରମୁଖ ଉପସ୍ଥିତ ରହିଥିଲେ ।