ପଦ୍ମପୁର(ଶାସକ ପ୍ରଶାସକ)- ପଦ୍ମପୁର ଉପଖଣ୍ଡ ଅନ୍ତର୍ଗତ ଜମଲା ଠାରେ ଅବକାରୀ ଗୁଇନ୍ଦା ବିଭାଗ ଓ ପଦ୍ମପୁର ଅବକାରୀ ବିଭାଗ ପକ୍ଷରୁ ମିଳିତ ଭାବେ ଚଢ଼ାଉ କରାଯାଇଥିବା ବେଳେ ୨୫.୩୧୫ ଲିଟର ନକଲି ବିଦେଶୀ ମଦ ଜବତ କରାଯାଇଥିଲା । ବେଆଇନ ମଦ କାରବାରରେ ସମ୍ପୃକ୍ତ ବେପାରୀ ମହେନ୍ଦ୍ର ପ୍ରସାଦକୁ ଗିରଫ କରାଯାଇଛି । ଏହି ଚଢ଼ାଉରେ ସମ୍ବଲପୁର ଅବକାରୀ ଗୁଇନ୍ଦା ସଂସ୍ଥାର ଡେପୁଟି ସୁପରିଟେନଡେଣ୍ଟ ଶ୍ରୀ ବିପ୍ରଚରଣ ମଣ୍ଡଳ, ଏସଆଇ ହେମନ୍ତ ମହାନନ୍ଦିଆ ଓ ପଦ୍ମପୁର ଅବକାରୀ ଥାନା ଅଧିକାରୀ ହେମକାନ୍ତ ସୁନା ସାମିଲ ଥିଲେ । ଆଗକୁ ମଧ୍ୟ ଏଭଳି ଚଢ଼ାଉ ଜାରି ରହିବ ବୋଲି ପଦ୍ମପୁର ଅବକାରୀ ଅଧିକାରୀ ହେମକାନ୍ତ ସୁନା ପ୍ରକାଶ କରିଛନ୍ତି ।