ପୁରୀ(ଅନିମେଶ ପଟ୍ଟନାୟକ): ଓଡିଶା ଜର୍ଣ୍ଣାଲିଷ୍ଟ ୟୁନିଅନ(ଓଜେୟୁ) ପକ୍ଷରୁ ପୁରୀ ଜିଲ୍ଲାର ନୂତନ କାର୍ଯ୍ୟକାରୀ କମିଟି ଗଠନ କରାଯାଇଛି । କମିଟିର ନୂତନ ସଭାପତି ଭାବେ ବିଜୟ କୁମାର ମିଶ୍ରଙ୍କୁ ସର୍ବ ସମ୍ମତି କ୍ରମେ ନିର୍ବାଚିତ କରାଯାଇଥିବା ବେଳେ ସୁଧାଂଶୁ ଶେଖର କରଙ୍କୁ ସମ୍ପାଦକ ଭାବେ ନିର୍ବାଚିତ କରାଯାଇଛି । ଅନ୍ୟମାନଙ୍କ ମଧ୍ୟରେ ବିଶ୍ୱନାଥ ମିଶ୍ର ଉପସଭାପତି, ନିରଞ୍ଜନ ମିଶ୍ର ସଂଗଠନ ସମ୍ପାଦକ, ସହ ସମ୍ପାଦକ ଭାବେ ଦେବେନ୍ଦ୍ର କୁମାର ନନ୍ଦ, ଶୁଶାନ୍ତ କୁମାର ସାହୁ, ସଞ୍ଜୟ ଅଗ୍ରୱାଲ ନିର୍ବାଚିତ ହୋଇଛନ୍ତି । ସାଗର ମଦନ ମୋହନ ପ୍ରତିହାରିଙ୍କୁ କୋଷାଧ୍ୟକ୍ଷର ଦାୟିତ୍ବ ଦିଆ ଯାଇଥିବା ବେଳେ କାର୍ଯ୍ୟକାରୀ ସଦସ୍ୟ ଭାବେ ସତ୍ୟନାରାୟଣ ପଟ୍ଟନାୟକ, ଦିବ୍ୟରଂଜନ ବିଶୋଇ ଓ ଅନିମେଶ ପଟ୍ଟନାୟକ ନିର୍ବାଚିତ ହୋଇଥିଲେ ।
ସୋମବାର ସ୍ଥାନୀୟ ମାଉସି ମା ମନ୍ଦିର ପରିସରରେ ଆୟୋଜିତ ସଭାରେ ଓଜେୟୁର ରାଜ୍ଯ ସଭାପତି ଅଶୋକ ନନ୍ଦ ଯୋଗ ଦେଇଥିଲେ । ବିଜୟ କୁମାର ମିଶ୍ର ସଭାପତିତ୍ବ କରିଥିଲେ । ସଭା ପ୍ରାରମ୍ଭରୁ ପୂର୍ବତନ ରାଜ୍ୟ ସଭାପତି ସ୍ୱର୍ଗତ ପ୍ରଭାତ ଦାସ ଓ ପୁର୍ବତନ ଜିଲ୍ଲା ସଭାପତି ସ୍ୱର୍ଗତ କେଶବ ସେନାପତିଙ୍କ ଉଦ୍ଦେଶ୍ୟରେ ୨ମିନିଟ ନିରବ ପ୍ରାର୍ଥନା କରାଯାଇଥିଲା । ନୂତନ ସଭାପତି ଓ ସମ୍ପାଦକ ସଂଘକୁ ଜିଲ୍ଲାର ୧ନଂ ସଂଘ କରିବାକୁ ଶପଥ ନେଇଥିଲେ । ସଂଘର ଆଗାମୀ କାର୍ଯ୍ୟକ୍ରମ ସମ୍ପର୍କରେ ସବିଶେଷ ଆଲୋଚନା କରାଯାଇଥିଲା ।