ରାୟଗଡ(ସରୋଜ କୁମାର ସାହୁ): ରାୟଗଡ ସହରରେ କୋଭିଡ କଟକଣା ମଧ୍ୟରେ ଚାଲିିଛି ମା ଗଜଲକ୍ଷ୍ମୀ ପୂଜା । କୋଭିଡ କଟକଣା ଯୋଗୁଁ ବିନା ଜାକଜମକରେ ଓ ବିନା ଆଲୋକସଜ୍ଜାରେ ଚାଲିଛି ମା ଗଜଲକ୍ଷ୍ମୀ ପୂଜାର୍ଚ୍ଚନା । ସମ୍ପୂର୍ଣ୍ଣ ରୀତିନୀତି ଅନୁସାରେ ରାୟଗଡା ସହରସ୍ଥିତ ନ୍ୟୁ କଲୋନୀ ଠାରେ ମା ଗଜଲକ୍ଷ୍ମୀ ପୂଜା କମିଟି ତରଫରୁ ଚଳିତ ବର୍ଷ ୨୬ ତମ ପୂଜା ଉତ୍ସବ ପାଳନ କରାଯାଉଛି । ପ୍ରତିବର୍ଷ ୯ ଦିନ ଧରି ମାଙ୍କ ପୂଜାର୍ଚ୍ଚନା ଆଡମ୍ବର ସହକାରେ ପାଳନ କରାଯାଉଥିବା ବେଳେ ଚଳିତ ବର୍ଷ ମଧ୍ୟ କୋଭିଡ କଟକଣା ଯୋଗୁଁ ବିନା ଭକ୍ତରେ ମାଁଙ୍କ ପୂଜାର୍ଚ୍ଚନା କରାଯିବା ନେଇ ମା ଗଜଲକ୍ଷ୍ମୀ ପୂଜା କମିଟି ପ୍ରକାଶ କରିଛି । ନ୍ୟୁ କଲୋନୀ ପୂଜା କମିଟି ତରଫରୁ ୨୦ ତାରିଖ ଠାରୁ ୨୪ ତାରିଖ ଯାଏଁ ମାଙ୍କ ପୂଜାର୍ଚ୍ଚନା କରାଯାଇ ୨୪ ତାରିଖ ରବିବାର ଦିନ ଭସାଣି ଉତ୍ସବ କରାଯିବା ନେଇ ସୂଚନା ରହିଛି । ଭକ୍ତଙ୍କୁ ପୂଜା ମଣ୍ଡପ ସମ୍ମୁଖରେ ଗହଳି ନ କରିବା ପାଇଁ ନିର୍ଦେଶନାମା ଥିବା ବେଳେ ପୂଜା କମିଟି ତରଫରୁ ମାଙ୍କ ସନ୍ଧ୍ୟା ଆଳତୀ ଫେସବୁକ ଓ ୟୁଟୁବ୍ ମାଧ୍ୟମରେ ପ୍ରସାରଣ କରାଯିବାର କାର୍ଯ୍ୟକ୍ରମ ରହିଛି ଏଣୁ ଭକ୍ତ ମାନେ ବାହାରକୁ ନ ବାହାରି ନିଜ ନିଜ ଘରେ ବସି ପୂଜାର ସିଧା ପ୍ରସାରଣ ଦେଖି ପାରିବେ । ସେହିପରି ସହରର ରାମାଟେକିଜ ସିନେମା ହଲ ନିଟକସ୍ଥ ପୂଜା କମିଟି ଓ ଉପ-ଜିଲ୍ଲାପାଳ କାର୍ଯ୍ୟାଳୟ ନିକଟସ୍ଥ ନିଳାଚଂଳ ସୁଇଟସ ତରଫରୁ ମା ଗଜଲକ୍ଷ୍ମୀଙ୍କ ପୂଜା ଅନୁଷ୍ଠିତ ହେଉଛି ।