ଭୁବନେଶ୍ୱର (ଶାସକ ପ୍ରଶାସକ) : ଓଡ଼ିଶାର ସ୍ଵନାମଧନ୍ୟ ଗୀତିନାଟ୍ୟକାର ତଥା ଗଣ ଜୀବନର ଓ ଗଣ ମାନସରେ ଗଣ କବିଭାବେ ସୁପରିଚିତ ମାହାଙ୍ଗା ମାଟିର ବରପୁତ୍ର ବୈଷ୍ଣବ ପାଣିଙ୍କ ୧୩୯ ତମ ଜନ୍ମ ଜୟନ୍ତୀ ଅବସରରେ ଭାବପୂର୍ଣ୍ଣ ଶ୍ରଦ୍ଧାଞ୍ଜଳି ଅର୍ପଣ କରାଯାଇଛି | ଏ ଉପଲକ୍ଷେ ଭୁବନେଶ୍ବର ସଙ୍ଗୀତ ମହାବିଦ୍ୟାଳୟ ପରିସରରେ ଥିବା ସ୍ବର୍ଗତ ଶ୍ରୀ ପାଣି ଙ୍କ ପ୍ରତିମୂର୍ତ୍ତି ରେ ରାଜ୍ୟ ପଞ୍ଚାୟତିରାଜ-ପାନୀୟଜଳ, ଗୃହନିର୍ମାଣ- ନଗର ଉନ୍ନୟନ ଓ ଆଇନ ମନ୍ତ୍ରୀ ତଥା ମାହାଙ୍ଗା ବିଧାୟକ ଶ୍ରୀଯୁକ୍ତ ପ୍ରତାପ ଜେନା ପୁଷ୍ପମାଲ୍ୟ ଅର୍ପଣ କରିବା ସହ ଭକ୍ତିପୂତ ଶ୍ରଦ୍ଧାଞ୍ଜଳି ଜ୍ଞାପନ କରିଛନ୍ତି | ଏହି ଭୁବନେଶ୍ବରର ଗଣ କବି ସ୍ମୃତି ସଂସଦର କର୍ମକତ୍ତାମାନେ ଉପସ୍ଥିତ ରହି ଗଣକବିଙ୍କୁ ଶ୍ରଦ୍ଧା ସୁମନ ଅର୍ପଣ କରିଛନ୍ତି |