କାଶୀପୁରରୁ ବୈକୁଣ୍ଠ ଦୁରିଆ: ରାୟଗଡା ଜିଲା କାଶୀପୁର ବ୍ଲକ ଶଙ୍କରଡା ପଞ୍ଚାୟତ ଅନ୍ତର୍ଗତ ପାଞ୍ଚାଳି ଗ୍ରାମରେ ଅଭାବନୀୟ ଘଟଣା ଦେଖିବାକୁ ମିଳିଛି । ପାଇଖାନା ଟାଙ୍କିରେ ତିନିଜଣ ଶ୍ରମିକଙ୍କ ଶ୍ୱାସରୁଦ୍ଧ ହେବା ଫଳରେ ସେମାନେ ମୃତ୍ୟୁବରଣ କରିଛନ୍ତି । ଅନ୍ୟଜଣେ ଗୁରୁତର ଭାବେ ଆହାତ ହେବାରୁ ତାଙ୍କୁ ଟିକିରି ସ୍ୱାସ୍ଥ କେନ୍ଦ୍ରରେ ଭର୍ତ୍ତି କରାଯାଇଥିବାବେଳେ ସେ ସମୂର୍ଣ୍ଣ ସୁସ୍ଥ ଥିବା ଜଣାପଡିଛି । ମୃତକମାନେ ହେଲେ, ପାଞ୍ଚାଲି ଗ୍ରାମର ସୀମା ମାଝି, କଂସାରିଗୁଡା ଗାଁର ରୁନା ମାଝି ଓ ପଣସପଦର ଗ୍ରାମର ଗୋବିନ୍ଦ କୁମ୍ଭାର। ଘଟଣା ସଂମ୍ପର୍କରେ ଖବର ପାଇ ଅଗ୍ନିଶମ ବାହିନୀ ଓ ଟିକିରି ପୋଲିସ ଘଟଣା ସ୍ଥଳରେ ପହଞ୍ଚି ମୃତ ଦେହ ଉଦ୍ଧାର କରିଛି। ସୂଚନା ମୁତାବକ, ପାଞ୍ଚାଲି ଗ୍ରାମର ଦୀନବନ୍ଧୁ ଗରଡିଆଙ୍କ ନୂତନ ଭାବେ ଘର ଓ ପାଇଖାନା ଟାଙ୍କି ନିର୍ମାଣ କାର୍ଯ୍ୟ ଚାଲୁ ରହିଥିବାବେଳେ ଉକ୍ତ କାମରେ ଚାରିଜଣ ଶ୍ରମିକ ନିୟୋଜିତ ଥିଲେ |