ଜମନକିରା- (ସୁଢଳ ଦେବ ସୁନାନୀ) : ଜମନକିରା ବ୍ଲକ ଅନ୍ତର୍ଗତ ଧୂଡ଼ି ପାଲି ଗ୍ରାମପଞ୍ଚାୟତ ଲାଡ଼ମ ପାଲି ଏକ ରାଜସ୍ବ ଗ୍ରାମ l ଗ୍ରାମରେ ମୋଟ ଜନସଂଖ୍ୟା ୯୦୦ରୁ ପ୍ରାୟ ଉର୍ଦ୍ଧ ହେବ l ସେଥିମଧ୍ୟରୁ ପ୍ରାୟ ୬୦୦ରୁ ଉର୍ଦ୍ଧ ଆଦିବାସୀ ଲୋକ ବସବାସ କରନ୍ତି l ତେବେ ଏହି ଗାଁ ର ମୁଖ୍ୟ ରାସ୍ତା ଅବସ୍ଥା ଅତ୍ୟନ୍ତ ଶୋଚନୀୟ l ବର୍ଷାଦିନେ ରାସ୍ତାରେ ଯିବାଆସିବା କଷ୍ଟକର ହୋଇ ପଡିଛି l ସରକାରଙ୍କର ବିଭିନ୍ନ ଯୋଜନାରେ ବିପୁଳ ଟଙ୍କା ଅନୁଦାନ ଆସୁଥିଲେ ହେଁ ରାସ୍ତାଟିର ଉନ୍ନତି କରଣ ପାଇଁ ଗ୍ରାମବାସୀ ବର୍ଷ ବର୍ଷ ଧରି ଲିଖିତ ଅଭିଯୋଗ କଲେ ମଧ୍ୟ ପଞ୍ଚାୟତ କତ୍ତୃପକ୍ଷ କିମ୍ବା ବ୍ଲକ ପ୍ରଶାସନ ଆଦୌ କର୍ଣ୍ଣପାତ କରୁନାହାନ୍ତି l ରାସ୍ତାଟି କାଦୁଅ ପଚପାଚ ଏବଂ ଖଳଖମା ରେ ଭର୍ତ୍ତି ହୋଇଛି l ଗ୍ରାମପଞ୍ଚାୟତ ର ବୈଇମାତୃକ ମନଭାବ ଯୋଗୁଁ ସବୁ ଗାଁ ରେ ଷ୍ଟ୍ରୀଟ ଲାଇଟ ଲାଗିଥିଲେ ମଧ୍ୟ ଲାଡ଼ମପାଲି ଗ୍ରାମରେ ଏପର୍ଯ୍ୟନ୍ତ ଷ୍ଟ୍ରୀଟ ଲାଇଟ ଲାଗିପାରିନାହିଁ l ଏଣୁ ରାସ୍ତାଟି ପକ୍କା ରାସ୍ତା ନିର୍ମାଣ ଓ ଷ୍ଟ୍ରୀଟ ଲାଇଟ ଲଗାଇବାର ବ୍ୟବସ୍ଥା କରିବାକୁ ବିଭାଗୀୟ କତ୍ତୃପକ୍ଷ ଶୀଘ୍ର ଦୃଷ୍ଟି ଦେବାକୁ ଗ୍ରାମବାସୀ ଦାବୀ କରିଛନ୍ତି l