ବଲାଙ୍ଗିର (ନିରୋଜ ମିଶ୍ର) ବଲାଙ୍ଗିର ସଦର ବ୍ଲକ ଅନ୍ତର୍ଗତ ପର୍ଶୁରାମ ଉଚ୍ଚ ବିଦ୍ୟାଳୟ, କୁଡାସିଂହାରେ ପ୍ରଧାନ ଶିକ୍ଷକ ମିତ୍ରଭାନୁ ପଧାନଙ୍କ ଅଧ୍ୟକ୍ଷତାରେ ବିଜ୍ଞାନ ଶିକ୍ଷକ ଚାପ ବଗର୍ତ୍ତୀ ଓ କାର୍ଯ୍ୟାଳୟ ସହକାରୀ ହରେକୃଷ୍ଣ ସାହୁଙ୍କ ଅବସର କାଳୀନ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଥିଲା । ଏହି ସଭାରେ ସରଗାଡ ହାଇସ୍କୁଲର ପ୍ରଧାନ ଶିକ୍ଷକ ବୃଶକେତୁ ସାହୁ ଓ ଭୁତିଆରବାହାଲ ହାଇସ୍କୁଲର ପ୍ରଧାନ ଶିକ୍ଷକ ନବୀନ କିଶୋର ନନ୍ଦ ଓ ଅବସର ପ୍ରାପ୍ତ ଓ.ଇ.ଏସ୍. ରାମକୃଷ୍ଣ ନାଥ, ସ୍ଥାନୀୟ ସରପଞ୍ଚ କପିଳ ନନ୍ଦ, ଶିକ୍ଷକ ଅକ୍ଷୟ ମିଶ୍ର, ରାମ ନାରାୟଣ ଯୋଶୀ, ରଞ୍ଜିତ ମିଶ ୍ର ଯୋଗ ଦେଇ ଶ୍ରୀ ବଗର୍ତ୍ତୀ ଓ ଶ୍ରୀ ସାହୁଙ୍କ ସହ ନିଜ ଅନୁଭୁତି ଗୁଡିକୁ ବର୍ଣ୍ଣନା କରି ତାଙ୍କ ଅବସର ପରବର୍ତ୍ତୀ ଜୀବନ ମଙ୍ଗଳମୟ ହେଉ ବୋଲି ପ୍ରାର୍ଥନା କରିଥିଲେ । ଏହି ଅବସରରେ ଉଭୟ ବିଦାୟୀ ଶିକ୍ଷକଙ୍କୁ ପୁଷ୍ପଗୁଚ୍ଛ ଏବଂ ଉପଢୌକନ ଦେଇ ସମ୍ବର୍ଦ୍ଧିତ କରାଯାଇଥିଲା । ବିଦ୍ୟାାଳୟର ବରିଷ୍ଠ ଶିକ୍ଷକ ଦିଲିପ କୁମାର ଯୋଶୀ କାର୍ଯ୍ୟକ୍ରମ ପରିଚାଳନା କରିଥିବା ବେଳେ ବିଦ୍ୟାଳୟର ଶିକ୍ଷୟତ୍ରୀ ମାନିନୀ ବଗର୍ତ୍ତୀ ଧନ୍ୟବାଦ ଦେଇଥିଲେ । କାର୍ଯ୍ୟକ୍ରମରେ ସହଯୋଗ କରିଥିଲେ ବିଦ୍ୟାଳୟର ଶିକ୍ଷକ ଅଜୟ ଦର୍ଜି, ରଶ୍ମିରେଖା ଷଡଙ୍ଗୀ ତଥା ବିଦ୍ୟାଳୟର ଶିକ୍ଷା କର୍ମଚାରୀ ।
