ଭୁବନେଶ୍ୱର : କୋଭିଡ -19 ର ଦ୍ୱିତୀୟ ଲହର ପରିପ୍ରେକ୍ଷୀରେ ଶ୍ରୀଜିଉଙ୍କ ମୁଖ୍ୟ ବିଜେସ୍ଥଳୀ ପୁରୀ ବ୍ୟତୀତ ରାଜ୍ୟର ସମସ୍ତ ସ୍ଥାନରେ ପ୍ରଭୁ ଜଗନ୍ନାଥ ବହୁ ପ୍ରତୀକ୍ଷିତ ରଥଯାତ୍ରା ଉତ୍ସବ ଉପରେ ପ୍ରତିବନ୍ଧକ ଲଗାଇବାକୁ ନିଷ୍ପତ୍ତି ନେଇଛନ୍ତି ରାଜ୍ୟ ସରକାର | ପୁରୀର ରଥଯାତ୍ରା ସମୟରେ ଜନସାଧାରଣଙ୍କୁ ଅନୁମତି ଦିଆଯିବ ନାହିଁ | ଓଡିଶାର ଅନ୍ୟ ସମସ୍ତ ପ୍ରଭୁ ଜଗନ୍ନାଥଙ୍କ ମନ୍ଦିରରେ କେବଳ ମନ୍ଦିର ପରିସରରେ ରୀତିନୀତି କରାଯିବ।
ଏସଆରସି ଏବଂ ଉନ୍ନୟନ କମିଶନର ପ୍ରଦୀପ ଜେନା ଆଜି ଏକ ଗୁରୁତ୍ୱପୂର୍ଣ୍ଣ ଘୋଷଣା କରି କହିଛନ୍ତି ଯେ ଜନସାଧାରଣଙ୍କ ସୁରକ୍ଷାକୁ ଓଡିଶା ସରକାର ସର୍ବଦା ସର୍ବୋଚ୍ଚ ଗୁରୁତ୍ୱ ଦେଇଆସୁଛନ୍ତି। ତେଣୁ ବର୍ତ୍ତମାନର କରୋନା ପରିପ୍ରେକ୍ଷୀରେ ଚଳିତ ବର୍ଷ ଜୁଲାଇ 12 ରୁ ଆରମ୍ଭ ହେବାକୁ ଥିବା ତିନି ଠାକୁରଙ୍କ ନବଦିନ ବ୍ୟାପି ରଥ ଯାତ୍ରା ସୁପ୍ରିମକୋର୍ଟ ଙ୍କ ନିର୍ଦ୍ଦେଶ ଏବଂ ଓଡିଶା ଦ୍ୱାରା ଦିଆଯାଇଥିବା ନିର୍ଦ୍ଦେଶାବଳୀକୁ କଡାକଡି ପାଳନ କରି ପୁରୀରେ ଅନୁଷ୍ଠିତ ହେବ।
