ରାୟଗଡ/ସରୋଜ କୁମାର ସାହୁ:  ଆଗାମୀ ଦକ୍ଷିଣ ପଶ୍ଚିମ ମୌସୁମୀ ବର୍ଷା ଓ ସମ୍ଭlବ୍ୟ ବନ୍ୟାବାତ୍ୟା ମୁକାବିଲା କରିବା ନିମନ୍ତେ ଆଜି ଜିଲ୍ଲାପାଳ ଶ୍ରୀ ସରୋଜ କୁମାର ମିଶ୍ରଙ୍କ ଅଧ୍ୟକ୍ଷ୍ୟତlରେ ଜିଲ୍ଲା ସ୍ଥରୀୟ ପ୍ରାକୃତିକ ବିପର୍ଯ୍ୟୟ କମିଟି ବୈଠକ ୱେବିନlରରେ ଅନୁଷ୍ଠିତ ହୋଇଯାଇଛି l ଏହି ବୈଠକରେ ଅନୁସୂଚିତ ଜାତି ଓ ଜନଜାତି ବିକାଶ ମନ୍ତ୍ରୀ  ଜଗନ୍ନାଥ ସlରକା, ରାଜ୍ୟସଭା ସାଂସଦ ଶ୍ରୀଯୁକ୍ତ ଏନ. ଭାସ୍କର  ରାଓ, ଲୋକସଭା ସାଂସଦ କୋରାପୁଟ, ଶ୍ରୀଯୁକ୍ତ ସପ୍ତଗିରି ଉଲାକା, ରାୟଗଡା  ବିଧାୟକ ମକରନ୍ଦ ମୁଦୁଲି, ରାୟଗଡା ଜିଲ୍ଲା ପରିଷଦ ଅଧ୍ୟକ୍ଷ୍ୟ ଶ୍ରୀ ଗଙ୍ଗାଧର ପୁଆଲl ପ୍ରମୁଖ ହୋଗୀଦାନ କରି ନିଜନିଜର ମତାମତ ରଖିଥିଲେ l

        ଏହି ବୈଠକରେ ମୁଖ୍ୟତଃ ବର୍ଷଦିନ ପୂର୍ବରୁ  ଭାଙ୍ଗିଯାଇଥିବା ନଦୀ ବନ୍ଧ ହୁଡ଼ା,କେନାଲ ବା ବଂଧ ଗୁଡିକ ତୁରନ୍ତ ମରାମତି କରିବା ନିର୍ବାହୀ ଯନ୍ତ୍ରୀ ପାରଳାଖେମୁଣ୍ଡି ଡିଭିଜନକୁ ନିର୍ଦ୍ଦେଶ ଦିଆଗଲା l ବଂଶଧାରା, ନାଗାବଳୀ  ଅବବାହିକl ବିଶେଷ କରି ଗୁଡାରି, ଗୁଣପୁର, ପଦ୍ମପୁର, କଲ୍ୟାଣସିଂହପୁର,ଓ ରାୟଗଡ ବ୍ଲକର ଯେଉଁଠି ବନ୍ୟା ପାଣି ମାଡି ଆସିବାର ସମସ୍ୟା ଓ ସମ୍ଭାବନା  ରହୁଛି ସେଗୁଡିକ ଚିହ୍ନଟ କରି ବର୍ଷା ଦିନ ପୂର୍ବରୁ ନିର୍ମାଣ କାର୍ଯ୍ୟ ସlରିବାକୁ ବୈଠକରେ କାର୍ଯ୍ୟ ନିର୍ବାହୀ ସଂସ୍ଥା ମାନଙ୍କୁ ନିର୍ଦ୍ଦେଶ ଦିଆଯାଇଛି l କୌଣସି କାମକୁ ତାଭାରିଆ ଭାବରେ ନକରି ମଜାଭୂତ  ଭାବରେ କରିବାକୁ ଜିଲ୍ଲାପାଳ ନିର୍ଦେଶ ଦେଇଛନ୍ତି l ସମ୍ଭlବ୍ୟ ବନ୍ୟା ମୁକାବିଲା କରିବାକୁ ପୂର୍ବରୁ ସମସ୍ତ ପ୍ରକାର ଜିନିଷ ମହଜୁଦ ରଖିବାକୁ କୁହାଯାଇଛି l ସମସ୍ତ ନିର୍ମାଣ କାର୍ଯ୍ୟ ଆସନ୍ତାକାଲି ୧୫ ଦିନ ଭିତରେ ଶେଷ କରିବାକୁ କୁହାଯାଇଛି l ସମ୍ଭବ୍ୟ ବନ୍ୟା ଜଳ ନିଷ୍କାସନ ନିମନ୍ତେ କେନାଲ ଗୁଡିକର ମରାମତି କାମ ମଧ୍ୟ ବର୍ଷା ଦିନ ପୂର୍ବରୁ ସାରିବାକୁ ସମ୍ପୃକ୍ତ ସଂସ୍ଥାକୁ କୁହାଯାଇଛି l ବନ୍ୟା ସମୟରେ ସୁପରିଚାଳନା ନିମନ୍ତେ ଉପଖଣ୍ଡ ସ୍ତରରେ ଉପଜିଲ୍ଲାପାଳ,ତହସିଲ ସ୍ତରରେ ତହସିଲଦାର,ବ୍ଲକ ସ୍ତରରେ ବିଡ଼ିଓ,ଆର ଆଇ ସ୍ତରରେ ଆର ଆଇ,ଗ୍ରାମ ପଂଚାୟତ ସ୍ତରରେ ପଂଚାୟତ ନିର୍ବାହୀ ଅଧିକାରୀ, ସହରାଞ୍ଚଳରେ ପୌର ନିର୍ବାହୀ ଅଧିକାରୀ ମାନେ ବନ୍ୟl ପରିଚାଳନା ନିମନ୍ତେ ଦାୟିତ୍ୱ ଦିଆଯାଇଛି l ସେହିପରି ବନ୍ୟା ବାତ୍ୟା ସମୟରେ ଦୁର୍ଗମ ଓ ବନ୍ୟା ପ୍ଲାବିତ ଅଂଚଳରେ ଯଥେଷ୍ଟ ଆଗରୁ ଶୁଖିଲା ଖାଦ୍ୟ, ଆବଶ୍ୟକ, କିରାସିନି, ଚୁଡାଗୁଡ଼, ମହଜୁଦ ରଖିବା ନିମନ୍ତେ ଜିଲ୍ଲା ଯୋଗାଣ ଅଧିକାରୀଙ୍କୁ ନିର୍ଦ୍ଦେଶ ଦିଆଯାଇଛି l ସେହିପରି ସ୍ୱାସ୍ଥ୍ୟ ବିଭାଗକୁ ଆବଶ୍ୟକ ଔଷଧ ମହଜୁଦ ରଖିବାକୁ କୁହାଯାଇଛି l ତହସିଲଦାର ମନକୁ ମଧ୍ୟ ପଲିଥିନ ଓ ଅନ୍ୟାନ୍ୟ ଆବଶ୍ୟକ ଜିନିଷ ମହଜୁଦ ରଖିବାକୁ ନିର୍ଦେଶ ଦିଆଯାଇଛି l ପ୍ରାଣୀ ସମ୍ପଦ ସିକିତ୍ସା ଓ ସୁରକ୍ଷା ନିମନ୍ତେ ପ୍ରସ୍ତୁତ ରହିବାକୁ ଜିଲ୍ଲା ମୁଖ୍ୟ ପ୍ରାଣୀ ସମ୍ପଦ ଅଧିକାରୀଙ୍କୁ ନିର୍ଦେଶ ଦିଆଯାଇଛି l କୃଷକ ମାନଙ୍କୁ ରିହାତି ମୂଲ୍ୟରେ ବିହନ, ସାର ଓ କୀଟ ନାଶକ ଔଷଧ ଯୋଗାଇବା ନିମନ୍ତେ ଜିଲ୍ଲା ମୁଖ୍ୟ କୃଷି ଅଧିକାରୀଙ୍କୁ ଜିଲ୍ଲାପାଳ ନିର୍ଦେଶ ଦେଇଛନ୍ତି l ବନ୍ୟା ବାତ୍ୟା ପରେ ରାସ୍ତlଘାତ ସଫା କରିବା ନିମନ୍ତେ ଆବଶ୍ୟକ ସରଞ୍ଜାମ ମହଜୁଦ ରଖିବାକୁ ସମ୍ପୃକ୍ତ ବିଭାଗକୁ ନିର୍ଦେଶ ଦିଆଯାଇଛି l ସେହିପରି ନିର୍ବାହୀ ଯନ୍ତ୍ରୀ ଜନସ୍ୱାସ୍ଥ୍ୟ ବିଭାଗକୁ ବିଶ୍ୱାଧିତ ପାଣି ଯୋଗାଇବା ନିମନ୍ତେ ପ୍ରସ୍ତୁତ ରହିବାକୁ କୁହାଯାଇଛି l ସେହିପରି ବର୍ଷା ଦିନ ପୂର୍ଵବାରୀ ଅଚଳ ନଳକୂପ ଗୁଡିକର ମରାମତି କରିବା ଓ ବନ୍ୟା ପରେ ତୁରନ୍ତ ବିଶୋଧିତ କରିବା ନିମନ୍ତେ ପ୍ରସ୍ତୁତ ରହିବାକୁ ନିର୍ବାହୀ ଯନ୍ତ୍ରୀ ଗ୍ରାମୀୟ ଜଳ ଯୋଗାଣ ସଂସ୍ଥା ରାୟଗଡ଼ଙ୍କୁ ନିର୍ଦ୍ଦେଶ  ଦିଆଯାଇଛି l 

ବନ୍ୟା ବାତ୍ୟା ମୁକାବିଲା ନିମନ୍ତେ ଜିଲ୍ଲାର ସମସ୍ତ ବିଭଗୀୟ ଅଧିକାରୀ, ବିଡ଼ିଓ, ତହସିଲଦାର, ନିର୍ବାହୀ ଅଧିକାରୀ ସମସ୍ତ ପ୍ରକାର ପ୍ରସ୍ତୁତି ରହିବାକୁ ଜିଲ୍ଲାପାଳ ଶ୍ରୀ ମିଶ୍ର ନିର୍ଦେଶ ଦେଇଥିଲେ l

     ଆଜି ଏହି ବୈଠକରେ ଜିଲ୍ଲା ସ୍ଥରୀ ବିଭିନ୍ନ ବିଭାଗୀୟ ଅଧିକାରୀ, ବିଡ଼ିଓ, ତହସିଲଦାର, ନିର୍ବାହୀ ଅଧିକାରୀ ପୌର ପରିଷଦ, ନିର୍ବାହୀ ଯନ୍ତ୍ରୀ ପାରଳାଖେମୁଣ୍ଡି ଜଳସେଚନ ଡିଭିଜନ, ରାୟଗଡ ଗ୍ରlମ୍ୟ ନିର୍ମାଣ ବିଭାଗ,ପୂର୍ତ୍ତ ବିଭାଗ ଆଦି ଯୋଗଦାନ କରିଥିଲେ l