ଅଯୋଧ୍ୟା: ଅଯୋଧ୍ୟାରେ ରାମ ମନ୍ଦିର ନିର୍ମାଣ ପାଇଁ ବିଶ୍ୱ ହିନ୍ଦୁ ପରିଷଦ ଦ୍ୱାରା ସଂଗ୍ରହ ହୋଇଥିବା ପ୍ରାୟ 22 କୋଟି ଟଙ୍କା ମୂଲ୍ୟର ପ୍ରାୟ ୧୫,୦୦୦ ବ୍ୟାଙ୍କ ଚେକ୍ ବାଉନ୍ସ ହୋଇଛି। ମନ୍ଦିର ନିର୍ମାଣ ପାଇଁ କେନ୍ଦ୍ର ଦ୍ୱାରା ସ୍ଥାପିତ ଏକ ଟ୍ରଷ୍ଟ ଶ୍ରୀ ରାମ ଜନ୍ମ ଭୂମି ତିର୍ଥ କ୍ଷେତ୍ରର ଏକ ଅଡିଟ୍ ରିପୋର୍ଟ ଅନୁଯାୟୀ ବ୍ୟାଙ୍କ ଆକାଉଣ୍ଟରେ ଅର୍ଥ ଅଭାବ କିମ୍ବା କିଛି ବୈଷୟିକ ତ୍ରୁଟି ହେତୁ ଏହି ଚେକ୍ ବାଉନ୍ସ ହୋଇଛି।
ଟ୍ରଷ୍ଟ ସଦସ୍ୟ ଡ ଅନୀଲ ମିଶ୍ର କହିଛନ୍ତି ଯେ ବୈଷୟିକ ତ୍ରୁଟି ସମସ୍ୟାର ସମାଧାନ ପାଇଁ ବ୍ୟାଙ୍କଗୁଡିକ କାର୍ଯ୍ୟ କରୁଛନ୍ତି ଏବଂ ସେମାନେ ପୁନର୍ବାର ଦାନ କରିବାକୁ ଲୋକଙ୍କୁ ଅନୁରୋଧ କରୁଛନ୍ତି। ଚେକ୍ ମଧ୍ୟରେ ଅଯୋଧ୍ୟାରୁ ପ୍ରାୟ 2,000 ସଂଗ୍ରହ କରାଯାଇଥିଲା।
ଜାନୁଆରୀ ୧୫ ରୁ ଫେବୃଆରୀ ୧୭ ମଧ୍ୟରେ ଦେଶବ୍ୟାପୀ ଅଭିଯାନ ସମୟରେ ବିଶ୍ୱ ହିନ୍ଦୁ ପରିଷଦ (ଭିଏଚପି) ଏହି ଦାନ ସଂଗ୍ରହ କରିଥିଲା | ଯଦିଓ ଟ୍ରଷ୍ଟ ଦ୍ୱାରା ଚୂଡ଼ାନ୍ତ ଆକଳନ ଘୋଷଣା କରାଯାଇ ନାହିଁ ତଥାପି ଏହି ଅଭିଯାନ ସମୟରେ ପ୍ରାୟ ୫୦୦୦ କୋଟି ଟଙ୍କା ସଂଗ୍ରହ କରାଯାଇଥିଲା
