ପାଇକମାଲ :- ଶ୍ରୀ ଶ୍ରୀ ନୃସିଂହ ନାଥ ଆୟୁର୍ବେଦ ମହାବିଦ୍ୟାଳୟ ଓ ଗବେଷଣା କେନ୍ଦ୍ର , ପାଇକମାଳ ପରିସରରେ  ଉତ୍କଳ ଦିବସ ପାଳନ ହୋଇଯାଇଅଛି । ଏହି ଅବସର ରେ ମହାବିଦ୍ୟାଳୟର ପ୍ରାଚୀରପତ୍ର  ଅମୃତାର ଉତ୍କଳ ଦିବସ ବିଶେଷାଙ୍କ ଉନ୍ମୋଚନ ହେଲା । ପ୍ରାଚୀର ପତ୍ରରେ ଛାତ୍ରଛାତ୍ରୀ ମାନଙ୍କ ଦ୍ୱାରା ପ୍ରସ୍ତୁତ ଓଡ଼ିଆ କବିତା ଓ ଓଡ଼ିଶାର ଐତିହ୍ୟ ଆଧାରିତ ବିବିଧ ଚିତ୍ର ସ୍ଥାନ ପାଇଥିଲା ।  ଅନୁଷ୍ଠାନର ସମ୍ପାଦକ ଶ୍ରୀ ମନୋଜ କୁମାର ତ୍ରିବେଦୀ ଏବଂ ନିଦାନ ବିଭାଗ ମୁଖ୍ୟ ପ୍ରଫେସର ଡ଼ଃ ସୁଶୀଲ ମହାପାତ୍ର ଏହାର ଉନ୍ମୋଚନ କରିଥିଲେ । ଅଧ୍ୟକ୍ଷା ପ୍ରଫେସର ଡ଼ଃ କ୍ଷୀରାବ୍ଧୀ ତନୟା ରାଉତ୍ ରାୟ , ଶଳ୍ୟତନ୍ତ୍ର  ବିଭାଗ ମୁଖ୍ୟ ଡ଼ଃ ଅଭିରାମ ଠାକୁର ଏବଂ ମହାବିଦ୍ୟାଳୟର ଅଧ୍ୟାପକ, ଅଧ୍ୟାପିକା ଉପସ୍ଥିତ ରହି ଛାତ୍ର, ଛାତ୍ରୀମାନଙ୍କୁ  ଉଦ୍ବୋଧନ  ଦେଇଥିଲେ । ମହାବିଦ୍ୟାଳୟ ପରିସରରେ ବନ୍ଦେ ଉତ୍କଳ ଜନନୀର ସାମୁହିକ ଗାନ ହୋଇଥିଲା ।