ବରଗଡ :- ବରଗଡ଼ ଜିଲ୍ଲା ପାଇକମାଲ ବ୍ଲକ ଟେମରି ନିକଟସ୍ଥ ଧାନ୍ଦୁପାଳି ଗ୍ରାମର ଜଣ ୧୯ ବର୍ଷୀୟ ବିବାହିତା ମହିଳା ତାଙ୍କର ଶାଶୁ ସହିତ  ସକାଳୁ ମହୁଲ ଫୁଲ ଗୋଟେଇବା ପାଇଁ ଯାଇଥିଲେ । ପ୍ରାୟ ୯ ଘଣ୍ଟା ସମୟରେ ତିନି ଜଣ ମୁଖାପିନ୍ଧା ଯୁବକ ଆସି ମହିଳାଙ୍କୁ ଶାଶୁ ଙ୍କର ସମ୍ମୁଖରୁ ଟେକି ନେଇ ଯାଇଥିଲେ । ଜଙ୍ଗଲ ଭିତରେ ଚଳେଇ ଚଳେଇ ମହିଳାଙ୍କୁ ରାତିରେ ଗୋଟିଏ ଜାଗାରେ ରଖିବା ପରେ ସକାଳୁ ମହିଳାଙ୍କୁ ପଦ୍ମପୁର ଥାନା ଅନ୍ତର୍ଗତ ସାଲେଗୁଡି ଗ୍ରାମର ମିଶ୍ର ସୁନା ନାମକ ଜଣେ ଲୋକଙ୍କ ଘରକୁ ନେଇ ରଖିଥିଲେ । ଘରେ ଜଣେ ମହିଳାଙ୍କୁ ଆଣି ରଖା ଯାଇଥିବା କଥା ମିଶ୍ର କାହାରିକୁ ଜଣାଇ ନ ଥିଲେ । ଗତ କାଲି ମହିଳାଙ୍କୁ ଯୁବକ ମାନେ ଅନ୍ୟତ୍ର ସ୍ଥାନାନ୍ତର କରୁଥିବା ସମୟରେ ମହିଳା ଜଣକ ଇସାରା କରି ଗ୍ରାମ ବାସୀ ମାନଙ୍କୁ ଯାଇଥିଲେ । ଗ୍ରାମବାସୀ ମାନେ ତୁରନ୍ତ ଯୁବ ମାନଙ୍କୁ କାବୁ କରିବା ସହିତ ମହିଳା ଙ୍କୁ ଉଦ୍ଧାର କରି ପୋଲିସ କୁ ସୂଚନା ଦେଇଥିଲେ । ଗତ 26 ତାରିଖରେ ମହିଳାଙ୍କର ଅପହରଣ ହୋଇଥିଲା । ମହିଳା ଙ୍କର ସହିତ ଅଭିଯୁକ୍ତ ମାନଙ୍କୁ ଥାନାକୁ ଆଣି ଅନୁସନ୍ଧାନ କରିଥିଲା ପାଇକମାଲ ପୋଲିସ । ଆଜି  ସନ୍ଧ୍ୟା ସମୟରେ ମହିଳାଙ୍କ ଶାଶୁ ଗତ 26 ତାରିଖ ଦିନ ଦେଇଥିବା ଅଭିଯୋଗ କୁ ଭିତ୍ତିକରି ପାଇକମାଲ ଥାନାର ସବିନ୍ସପେକ୍ଟର ବିପିନ ବାଗ ବୁଠିଁ ଓରଫ ଯୁଧିଷ୍ଠିର ବେଶ୍ରା , ଦୁର୍ଯୋଧନ ବେଶ୍ରା , ରମେଶ ବେଶ୍ରା ଓ ମିଶ୍ର ସୁନାକୁ ଧାରା,341,342,368 , 346 348 ଓ 34ipc ଓ 354 506 ଦଫାରେ କେଶ ରୁଜୁ କରି କୋର୍ଟ ଚାଲାଣ କରିଛି । ଜାମିନ ନାମଞ୍ଜୁର ହେବାରୁ ଅଭିଯୁକ୍ତ ମାନଙ୍କୁ ଜେଲ ପଠେଇ ଦିଆ ଯାଇଛି ।