ଆହତଙ୍କୁ ବାଇକରେ ନେଇ ଡାକ୍ତରଖାନା ପହଞ୍ଚାଇଲେ
ବରଗଡ :- ବରଗଡ ଜିଲ୍ଲା ପଦ୍ମପୁର ଉପଖଣ୍ଡ ଗୌରଜୁରୀ ଗ୍ରାମ ନିକଟରେ ଆଜି ଏକ ସଡକ ଦୁର୍ଘଟଣାରେ ତିନି ଜଣ ଯୁବକ ଆହତ ହୋଇ ରାସ୍ତା କଡରେ ବାଇଥିବା ବେଳେ ପଦ୍ମପୁର ପଟୁ ପାଇକମାଲ କୁ ଫେରୁଥିବା ଶିକ୍ଷକ ଦିବସ ସାହୁ ଙ୍କର ନଜର ତାଙ୍କ ଉପରେ ପଡିଥିଲା । ଦୁଇ ଜଣଙ୍କର ଅବସ୍ଥା ଖରାପ ଥିବା କାରଣରୁ ପ୍ରଥମେ ଦିବସ 108 ନମ୍ବରକୁ ଫୋନ କରିଥିଲେ । ହେଲେ ଆମ୍ବୁଲାନ୍ସ ନ ଆସିବାରୁ ଦିବସ ଦୁଇ ଜଣଙ୍କୁ ନିଜ ବାଇକ ରେ ପ୍ରାୟ ପନ୍ଦର କିଲୋମିଟର ଦୂର ପାଇକମାଲ ଡାକ୍ତରଖାନାକୁ ଆଣିଥିଲେ । ଆହତ ଙ୍କର ମଧ୍ୟରୁ ଜଣକର ମୁହଁରେ ସାଙ୍ଘାତିକ ଆଘାତ ଲାଗିଥିବା ବେଳେ ଜଣକର ହାତ ଓ ଗୋଡ଼ ରେ ଆଘାତ ଲାଗିଥିଲା । କିଛି ସମୟ ଅପେକ୍ଷା କରିବା ପରେ ମଧ୍ୟ ତୃତୀୟ ବ୍ୟକ୍ତି ଡାକ୍ତରଖାନା କୁ ନ ପହଁଚିବାରୁ ଦିବସ ପୁଣିଥରେ ଘଟଣା ସ୍ଥଳକୁ ଯାଇ ତୃତୀୟ ବ୍ୟକ୍ତି କୁ ଡାକ୍ତରଖାନାକୁ ଆଣିଥିଲେ । ତୃତୀୟ ବ୍ୟକ୍ତି ର ମୁଣ୍ଡରେ ଆଘାତ ଲାଗିଥିବା ଜଣାପଡିଛି । ଏଠାରେ ସୂଚନାଯୋଗ୍ୟ ଯେ ଠିକ ସମୟରେ ଦିବସ ଆହତ ମାନଙ୍କୁ ଡାକ୍ତର ଖାନା କୁ ପହଞ୍ଚାଇ ତାଙ୍କର ଉପଚାର ବ୍ୟବସ୍ଥା କରାଇଥିଲେ । ଏହାପୂର୍ବରୁ ଦିବସ ଅନେକ ଥର ଆହତ ମାନଙ୍କୁ ନିଜ ଗାଡ଼ିରେ ଡାକ୍ତରଖାନା କୁ ଆଣିଥିବା ବହୁ ଉଦାହରଣ ରହିଛି । ଏହି ମହତ କାର୍ଯ୍ୟ ପାଇଁ ଦିବସଙ୍କୁ "ଗୁଡ଼ ସମାରିଟନ" ଭାବେ ରାଜ୍ୟ ସରକାରଙ୍କ ଦ୍ୱାରା ସମ୍ମାନ ପ୍ରଦାନ କରାଯାଇସାରିଛି ।
