ସମ୍ବଲପୁରରୁ ରମାକାନ୍ତ ବିଶ୍ବାଳ-ଚାଷି ଆନ୍ଦୋଳନ କୁ ବିରୋଧୀ କଂଗ୍ରେସ ରାଜନୈତିକ ଫାଇଦା ହାସଲ ପାଇଁ ଭିନ୍ନ ମୋଡ ଦେଇ ଲୋକଙ୍କୁ ଭମ୍ରିତ କରୁଛି ବୋଲି ବିଜେପି କୃଷକ ମୋର୍ଚ୍ଚା ର ସାମ୍ବାଦିକ ସମ୍ମିଳନୀରେ ଅଭିଯୋଗ କରିଛନ୍ତି ବିଜେପି କୃଷକ ମୋର୍ଚ୍ଚା ରାଜ୍ୟ ସଭାପତି ପ୍ରଦୀପ ପୁରୋହିତ ।
ସମ୍ବଲପୁର ଠାରେ ଏକ ସାମ୍ବାଦିକ ସମ୍ବିଳନିରେ କଂଗ୍ରେସ ଉପରେ ଯୋରଦାର ବର୍ଷିଛନ୍ତି ପ୍ରଦୀପ ପୁରୋହିତ । ସେ ଅଭିଯୋଗ କରିଛନ୍ତି ଯେ ସ୍ବାଧୀନତାର ସାତ ଦସନ୍ଧିପରେ ଦେଶ ଓ ରାଜ୍ୟର ଚାଷୀ ଭାଇଙ୍କ ପାଇଁ ଯାହା କରାଯାଇନଥିଲା ତାହା ମୋଦି ସରକାର କରି ଦେଖାଇଛନ୍ତି । ନିଜର ଅସ୍ତିତ୍ବ ବଜାୟ ରଖିବା ପାଇଁ ଭୟଭିତ ହୋଇ ବିରୋଧୀ ଦଳ ମୋଦୀଙ୍କ କୃଷି ବିଲକୁ ବିରୋଧ କରୁଛନ୍ତି । ସେପଟେ କୃଷି ଆଇନରେ ଏମଏସପି ନାହିଁ ବୋଲି ବିରୋଧିଦଳ ମାନେ ମିଥ୍ୟା ପ୍ରଚାର କରୁଛନ୍ତି ବୋଲି ପ୍ରଦୀପ କହିଛନ୍ତି । ବିଜେପି ର ଏହି ସାମ୍ବାଦିକ ସମ୍ମିଳନୀରେ ସମ୍ବଲପୁର ବିଧାୟକ ଜୟନାରାୟଣ ମିଶ୍ର , ରେଂଗାଲି ବିଧାୟକ ନାଉରୀ ନାଏକ , ଜିଲ୍ଲା ବିଜେପି ସଭାପତି ଗିରିଶ ପଟେଲ ପ୍ରମୁଖ ଯୋଗ ଦେଇଥିଲେ ।
