ପାରଳାଖେମୁଣ୍ଡି / ବାଳକୃଷ୍ଣ ପାଣିଗ୍ରାହୀ : ସ୍ଥାନୀୟ ଉତ୍କଳ ହିତୈଷିଣୀ ସମାଜ ପାରଳାଖେମୁଣ୍ଡି ଆନୁକୂଲ୍ୟରେ ବସନ୍ତବିହାର ପୂର୍ଣ୍ଣଚନ୍ଦ୍ର ମହାପାତ୍ରଙ୍କ ବାସଗୃହ ପ୍ରାଙ୍ଗଣରେ କୋକିଳା କଣ୍ଠି ପୁଷ୍ପାବେଣୀ ପଟ୍ଟନାୟକଙ୍କ ବିୟୋଗରେ ଏକ ସ୍ମୃତି ଚାରଣ ସଭା ଅନୁଷ୍ଠିତ ହୋଇସାରିଛି।
ସେ ଜଣେ ଅବସର ପ୍ରାପ୍ତ ଶିକ୍ଷୟିତ୍ରୀ ଥିଲେ ମଧ୍ୟ ତାଙ୍କର ଜୀବନ ବା ଆତ୍ମା ଥିଲା ସଙ୍ଗୀତ । ଶିକ୍ଷା ପେଷା ହେଲେ ବି ନିଶା ଥିଲା ତାଙ୍କର ସଙ୍ଗୀତ। ଅର୍ଦ୍ଧ ଶତାବ୍ଦୀର ଜଣେ ଶ୍ରେଷ୍ଠ ସଂଗୀତ ସାଧୀକା ଭାବେ ବେଶ ଜଣାଶୁଣା ମହିଳା କଣ୍ଠ ଶିଳ୍ପୀ ଥିଲେ। ଉପାନ୍ତ ପ୍ରହରୀ ପୂର୍ଣ୍ଣଚନ୍ଦ୍ର ମହାପାତ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ସ୍ମୃତିଚାରଣ ଶ୍ରଦ୍ଧାଞ୍ଜଳି ସଭାରେ ଶରତ ଚନ୍ଦ୍ର ସାହୁ , ଆଶାଲତା ପାଣିଗ୍ରାହୀ , ବିନୋନ୍ଦଚନ୍ଦ୍ର ଜେନା , ବିଚିତ୍ରାନନ୍ଦ ବେବର୍ତ୍ତା , ଗଣେଶ ରାଜୁ , ଭାଗବତ ପାଢ଼ୀ , ଜଗଦୀଶ ମହାପାତ୍ର , କୈଳାଶ ପଟ୍ଟନାୟକ , ମୁନା ପାଢ଼ୀ , ତ୍ରିପତି ପ୍ରସାଦ ପଣ୍ଡା , ପୂର୍ଣ୍ଣଚନ୍ଦ୍ର ରଥ , ନିତ୍ୟାନନ୍ଦ ଚୌଧୁରୀ , ସଚ୍ଚିଦା ନନ୍ଦ ସାମଲ ପ୍ରଭୃତି ଯୋଗଦାନ କରି ଦିବଂଗତ ପୁଷ୍ପାଦିଦିଙ୍କ ବହୁମୁଖୀ ପ୍ରତିଭା ଆଲୋଚନା କରାଯାଇଥିଲା। ସେହିପରି ସ୍ଥାନୀୟ ଭକ୍ତିସଂଗୀତ ସଂସଦ ଶିକ୍ଷାନୁଷ୍ଠାନ ପରିସରରେ ଠାରେ ଅନୁଷ୍ଠାନ ତରଫରୁ ସ୍ମୃତି ସଭା ଆୟୋଜନ ହୋଇଥିଲା। ଉକ୍ତ ସଭାରେ ବିଚିତ୍ରାନନ୍ଦ ବେବର୍ତ୍ତାଙ୍କ ଅଧ୍ୟକ୍ଷତାରେ ମୁଖ୍ୟ ବକ୍ତା ଆଚାର୍ଯ୍ୟ ବିନୋଦ ଚନ୍ଦ୍ର ଜେନା, ପୁରୋଧା ପୂର୍ଣ୍ଣଚନ୍ଦ୍ର ରଥ ଉପସ୍ଥିତ ରହି ଶ୍ରଦ୍ଧା ସୁମନ ଅର୍ପଣ କରି ସ୍ୱର୍ଗତା ପୁଷ୍ପାବେଣୀଙ୍କ ବହୁମୁଖୀ ପ୍ରତିଭା ସମ୍ପର୍କରେ ଅତିଥିମାନେ ଆଲୋକପାତ କରିଥିଲେ ।
ଉକ୍ତସଭାରେ ଭାଗବତ ପାଢ଼ୀ, ଗୁରୁ ରଘୁନାଥ ପାତ୍ର , ରାଜେନ୍ଦ୍ର ରଥ , ସ୍ନିଗ୍ଧା ମିଶ୍ର , ଆଶାଲତା ପାଣିଗ୍ରାହୀ , ଡ଼ାକ୍ତର ମୁର୍ମୁ , ତ୍ରିପତି ପଣ୍ଡା , ବାବାଜୀ ବେହେରା , କୈଳାଶ ପଟ୍ଟନାୟକ, ଜଗଦୀଶ ମହାପାତ୍ର , ଗୋପାଳ ଶତପଥୀ ଉପସ୍ଥିତ ରହି ନିଜ ନିଜ ବକ୍ତବ୍ୟରେ ଦିବଂଗତ ପୁଷ୍ପlବେଣୀ ପଟ୍ଟନାୟକଙ୍କ ପ୍ରତିଭା ସମ୍ପର୍କରେ ସ୍ମୃତିଚାରଣ କରିବା ସଙ୍ଗେ ସଙ୍ଗେ ଅମର ଆତ୍ମାର ସଦ୍ଗତି ନିମନ୍ତେ ପାର୍ଥନା କରିବା ସହ ଶୋକ ସନ୍ତପ ପରିବାରଙ୍କୁ ଗଭୀର ସମବେଦନା ଜ୍ଞାପନ କରିଥିଲେ ।
