ଭୁବନେଶ୍ୱର : ଡି.ଏ.ଭି ପବ୍ଲିକ୍ ସ୍କୁଲ କଳିଙ୍ଗ ନଗରରେ ଶିଶୁଦିବସ ପାଳିତ ହୋଇଯାଇଛି । ଏହି ଉପଲକ୍ଷେ ଆୟୋଜିତ ଏକ କାର୍ଯ୍ୟକ୍ରମରେ ଅନୁଷ୍ଠାନର ଅଧ୍ୟକ୍ଷଙ୍କ ସହିତ ପର୍ଯ୍ୟବେକ୍ଷକ ପର୍ଯ୍ୟବେକ୍ଷିକା ଓ ଶିକ୍ଷକ ଶିକ୍ଷୟିତ୍ରୀମାନେ ସାମାଜିକ ଦୂରତା ପାଳନ କରି ଜବାହାରଲାଲ ନେହେରୁଙ୍କ ଫଟୋଚିତ୍ରରେ ପୁଷ୍ପମାଲ୍ୟ ଦେଇ ଭକ୍ତିପୁତ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ । ଏଥିରେ ଅଧ୍ୟକ୍ଷ ବିପିନ୍ କୁମାର ସାହୁ ନିଜ ବକ୍ତବ୍ୟରେ ନେହେରୁଙ୍କ ଆଦର୍ଶ ବ୍ୟକ୍ତିତ୍ୱ, ଅଗାଢ଼ ଦେଶପ୍ରେମ, ଶିଶୁ ମାନଙ୍କ ପ୍ରତି ଶିକ୍ଷକ ଶିକ୍ଷିକାଙ୍କର କର୍ତ୍ତବ୍ୟବୋଧଉପରେ ଆଲୋକ ପାତ କରିଥିଲେ । ଏହି ଅବସରରେ ସ୍କୁଲର ଶିକ୍ଷକ ଶିକ୍ଷୟିତ୍ରୀଙ୍କ ଦ୍ୱାରା ଗୋଷ୍ଠୀସଂଗୀତ ଏବଂ ଶିଶୁଦିବସର ଆଭିମୁଖ୍ୟ ଉପରେ ବକ୍ତବ୍ୟ ପ୍ରଦାନ କରାଯାଇଥିଲା । ଏଥି ସହିତ ଛାତ୍ରଛାତ୍ରୀଙ୍କ ମନରେ ଶିଶୁଦିବସର ଉଲ୍ଲାସ ଭାବ ସୃଷ୍ଟି କରିବା ପାଇଁ ଭର୍ଚୁଆଲ ଜରିଆରେ ଯୋଗ, ଚିତ୍ରକଳା, ସଂଗୀତ ତଥା ଆରବିକ ଆଦି ଅଭିନବ ଉପାୟରେ ମନୋରଞ୍ଜନ କାର୍ଯ୍ୟକ୍ରମ ଉପସ୍ଥାପନ କରାଯାଇଥିଲା । ବିଦ୍ୟାଳୟ ପକ୍ଷରୁ ସ୍ୱାମୀ ଦୟାନନ୍ଦ ସରସ୍ୱତୀଙ୍କ ନିର୍ବାଣ ଦିବସ ଉପଲକ୍ଷେ ଏକ ଗାୟତ୍ରୀ ଯଜ୍ଞ ଅନୁଷ୍ଠିତ ହୋଇଥିଲା ।
