ମେଲଛାମୁଣ୍ଡା(ମନୋଜ ଭୋଇ)-ମେଲଛାମୁଣ୍ଡାରେ ନୂତନ ଭାବେ ଗଠିତ ହୋଇଥିବା ଲାୟନ୍ସ କ୍ଳବର ଉଦଘାଟନ ଓ ଶପଥ ଗ୍ରହଣ ସମାରୋହ ଗୁରୁବାର ସଂଧ୍ୟାରେ ମେଲଛାମୁଣ୍ଡାସ୍ଥିତ ମହାବିଦ୍ୟାଳୟ ପରିସରରେ ପଦ୍ମପୁର ଲାୟନ୍ସ କ୍ଳବ ସଭାପତି ସନ୍ତୋଷିନୀ ରଥଙ୍କ ଅଧ୍ୟକ୍ଷତାରେ ଏବଂ ଦ୍ୱାଦଶ ପ୍ରଧାନଙ୍କ ସଂଯୋଜନାରେ ଅନୁଷ୍ଠିତ ହୋଇଯାଇଛି । କାର୍ଯ୍ୟକ୍ରମରେ ଲାୟନ୍ସ ଡଷ୍ଟ୍ରିକ୍ଟ ଗଭର୍ଣ୍ଣର ବେଣୁମାଧବ ଦୋରା ମୁଖ୍ୟଅତିଥି, ମେଲଛାମୁଣ୍ଡା ଥାନାଭାରପ୍ରାପ୍ତ ଅଧିକାରୀ ସ୍ୱପ୍ନାରାଣୀ ଗୋଚ୍ଛାୟତ ମଂଚାସୀନ ଥିଲେ । ଲାୟନ୍ସ ଡଷ୍ଟ୍ରିକ୍ଟ ଗଭର୍ଣ୍ଣର ମେଲଛାମୁଣ୍ଡା କ୍ଳବର ନୂତନ ସଭାପତି ଲାୟନ୍ସ ଡମ୍ବରୁଧର ଦେବତା, ସଂପାଦକ ଲାୟନ୍ସ ପ୍ରତ୍ୟୁଷ ଭୋଇ, କୋଷାଧ୍ୟକ୍ଷ ଲାୟନ୍ସ ପ୍ରଶାନ୍ତ ଦେବତା ଅନ୍ୟ ସଭ୍ୟ ମାନଙ୍କୁ ଶପଥ ପାଠ କରାଇଥିଲେ । ଉକ୍ତ ସମାରୋହରେ କେବିନେଟ ସେକ୍ରେଟେରୀ ମେଜର ଚିତ୍ତରଂଜନ ଦାସ, କ୍ଳବ ଏକ୍ସଟେନସନ ଚେୟାରମେନ ଲାୟନ୍ସ ବିନୋଦ ମିଶ୍ର, ବିଭୁଦତ୍ତ ପଣ୍ଡା, ଇନ୍ଦିରା ଦୋରା, ମାନସ ଭୋଇ ପ୍ରମୁଖ ଅଂଶ ଗ୍ରହଣ କରିଥିଲେ । ଲାୟନ୍ସ ବିନୋଦ ମିଶ୍ର ୨ଟି ଅକ୍ସିଜେନ ସିଲିଣ୍ଡର ଲୋକଙ୍କ ସେବା ପାଇଁ ମେଲଛାମୁଣ୍ଡା କ୍ଳବକୁ ଲୋକାର୍ପଣ କରିଥିଲେ । ଶେଷରେ ସୁଶାନ୍ତ ନାୟକ ଧନ୍ୟବାଦ ଅର୍ପଣ କରିଥିଲେ ।
