ପାରଳାଖେମୁଣ୍ଡି /।ବାଳକୃଷ୍ଣ ପାଣିଗ୍ରାହୀ : ଅନ୍ତର୍ଜାତୀୟ ସ୍ତରର ଖ୍ୟାତି ସମ୍ପନ୍ନ ବିଶିଷ୍ଠ ଫଟୋଗ୍ରାଫର ଡ଼ାଗୁଏରଙ୍କ ୧୮୨ ତମ ଜନ୍ମବାର୍ଷିକୀ ଅବସରରେ ଗଜପତି ଜିଲ୍ଲା ପାରଳାଖେମୁଣ୍ଡି ଠାରେ ଫଟୋଗ୍ରାଫର ସଂଘ ପକ୍ଷରୁ “୧୮୨ ତମ ବିଶ୍ୱ ଫୋଟଗ୍ରାଫି” ଦିବସ ପାଳିତ ହୋଇଯାଇଛି ।
ପାରଳାଖେମୁଣ୍ଡି ସହରର ରାଜଦାଣ୍ଡ ସାହି ଠାରେ ଥିବା ଏକ ଫଟୋ ଷ୍ଟୁଡିଓରେ ଏହି ଫଟୋଗ୍ରାଫି ଦିବସ କୋଭିଡ୍-୧୯ ନିୟମ ପ୍ରକାରେ ଉପସ୍ଥିତ ସମସ୍ତେ ମାସ୍କ ପିନ୍ଧିବା ସହ ସାମାଜିକ ଦୁରତା ରକ୍ଷା କରାଯାଇ ଅଳ୍ପ କିଛି ସଦସ୍ୟଙ୍କ ମଧ୍ୟରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।
ପ୍ରଥମେ ବିଶିଷ୍ଠ ଫଟୋଗ୍ରାଫର ଡ଼ାଗୁଏରଙ୍କ ଫଟୋ-ଚିତ୍ର ଉପରେ ପୁଷ୍ପ ମାଲ୍ୟ ପ୍ରଦାନ କରା ଯାଇଥିଲା । ତାହାପରେ ଅନ୍ୟାନ୍ୟ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏହି ଅବସରରେ ପାରଳାଖେମୁଣ୍ଡି ସ୍ଥିତ ମେଡିକାଲ ରାସ୍ତାରେ ଥିବା କୁଷ୍ଠାଶ୍ରମ ଠାରେ , ସେଠାକାର ସମସ୍ତ ଅନ୍ତେବାସୀ ମାନଙ୍କୁ ଫଟୋଗ୍ରାଫର ସଂଘ ପକ୍ଷରୁ ବିଭିନ୍ନ ପ୍ରକାରର ଫଳ ଓ ଖାଦ୍ୟପୁଡା ବଣ୍ଟନ କରାଯାଇଥିଲା ।
ଏହି ବିଶ୍ୱ ଫଟୋଗ୍ରାଫି ଦିବସ ପାଳନ ଅବସରରେ ଏହି କାର୍ଯ୍ୟକ୍ରମରେ ଫୋଟଗ୍ରାଫି ସଂଘର ସଭାପତି ବିଶ୍ୱନାଥ ମିଶ୍ର , ଉପ-ସଭାପତି ଆମର , ଶ୍ରୀନିବାସ ରେଡ୍ଡି , ଜି.ଦିଲ୍ଲେଶ୍ୱର ରାଓ , ପି.ଶିବା , ଜଗଦୀଶ ମିଶ୍ର , ଅମରେନ୍ଦ୍ର , ଦିଲ୍ଲୀ , ଶ୍ୟାମ ଓ ଶିବାଙ୍କ ସମେତ ସଂଘର ବହୁ ସଦସ୍ୟ ତଥା ଫଟୋଗ୍ରାଫର ମାନେ ଯୋଗ ଦେଇ କାର୍ଯ୍ୟକ୍ରମକୁ ସଫଳ କରାଇଥିଲେ ।
