ଝାରସୁଗୁଡ଼ା :(ସୁଭାଷ ସହାରେ) -ଝାରସୁଗୁଡ଼ା ଜିଲ୍ଲାସ୍ଥିତ ଏକ ଶିକ୍ଷାନୁଷ୍ଠାନ ତଥା ଫେଥ୍ ଆଉଟରିଚ୍ ନାମକ ସଂସ୍ଥାର ସଂସ୍ଥାପକ ଏକ ନାବାଳକ ଯୌନ ନିର୍ଯାତନା ଘଟଣାରେ ଗିରଫ ହୋଇଛନ୍ତି l ତାଙ୍କର ନାମ ଜନ ପି ବ୍ରିଜ ବୋଲି ପୁଲିସ ସୂତ୍ରରୁ ଜଣା ପଡିଛି l ସୂଚନା ଅନୁଯାୟୀ 2015 ମସିହାରେ ଉକ୍ତ ସଂସ୍ଥାପକ ଜଣକ ନାବାଳକଙ୍କୁ ଯୌନ ନିର୍ଯାତନା ଦେଇଥିଲେ l ତେବେ ଏ ନେଇ ଉକ୍ତ ନାବାଳକ ଜଣକ ସାବାଳକ ହେଲା ପରେ ତାଙ୍କ ସହ ହୋଇଥିବା ଅନ୍ୟାୟ ବିରୋଧରେ ଗତ 14 ତାରିଖ ଝାରସୁଗୁଡ଼ା ଥାନାରେ ଅଭିଯୋଗ କରିଥିଲେ l ପୁଲିସ ଏନେଇ ତତ୍ପରତାର ସହ ତଦନ୍ତ କରି କେସ ନଂ ୫୮୬/2020ରେ ଏକ କେସ ରୁଜୁ କରିଛି। ଆଜି ବ୍ରିଜ଼ଙ୍କୁ ଗିରଫ କରିବା ସହ କୋର୍ଟ ଚାଲାଣ କରିଛି l ସେଠାରୁ ତାଙ୍କୁ ଝାରସୁଗୁଡ଼ା ଜେଲକୁ ପଠାଇ ଦିଆଯାଇଛି l