ଦିନକରେ ସର୍ବାଧିକ ୬ ,୪୨ ,୫୮୮ ନମୁନା ପରୀକ୍ଷା
ନୂଆଦିଲ୍ଲୀ (ଏସପିବି) ଆଜି ସାରା ଦେଶରେ ଗତ ୨୪ ଘଣ୍ଟା ଭିତରେ ୫୫,୦୭୯ କୋଭିଡ ପଜିଟିଭ କେଶ ଚିହ୍ନଟ ହୋଇଥିବା ବେଳେ ୭୭୯ ଜଣଙ୍କ ମୃତ୍ୟୁ ହୋଇଛି | ଦେଶରେ ମୋଟ ପଜିଟିଭଙ୍କ ସଂଖ୍ୟା ୧୬,୩୮,୮୭୧ ହୋଇଥିବା ବେଳେ ସକ୍ରିୟ ଅଛନ୍ତି ୫,୪୫,୩୧୮ ଜଣ | ଏ ଯାବତ ଦେଶରେ ୧୦,୫୭,୮୦୬ ଜଣ ସୁସ୍ଥ ହୋଇ ଘରକୁ ଫେରିଛନ୍ତି | ମୃତ୍ୟୁ ସଂଖ୍ୟା ୩୫,୭୪୭ ରେ ପହଂଚିଛି |
କୋଭିଡ ମୁକାବିଲା ପାଇଁ ଦେଶରେ ଟେଷ୍ଟିଙ୍ଗ , ଟ୍ରାକିଙ୍ଗ ଏବଂ ଟ୍ରିଟମେଣ୍ଟକୁ ଵ୍ୟଵପକ ଭାବେ କରିବା ପାଇଁ କେନ୍ଦ୍ର ସରକାର ନିଷ୍ପତ୍ତି ନେଇଛନ୍ତି | ନମୁନା ପରୀକ୍ଷା ଦୈନିକ ୧୦ ଲକ୍ଷକୁ ବୃଦ୍ଧି କରିବା ପାଇଁ କେନ୍ଦ୍ର ସରକାରଙ୍କ ପକ୍ଷରୁ ଆରମ୍ଭ ହୋଇଥିବା ଅଭିଯାନ ଅନ୍ତର୍ଗତ ଗତ ୨୪ ଘଣ୍ଟା ଭିତରେ ଦେଶରେ ସର୍ବାଧିକ ୬ ଲକ୍ଷରୁ ଉର୍ଧ୍ଵ ନମୁନା ପରୀକ୍ଷା କରାଯାଇଛି |
ତଥ୍ୟ ଅନୁଯାୟୀ ,ଗତକାଲି ଅର୍ଥାତ ୨୮ ତାରିଖରେ ସାରା ଦେଶରେ ୪,୦୮,୮୫୫ ନମୁନା ପରୀକ୍ଷା ହୋଇଛି | ୨୬ ତାରିଖରେ ୬ ,୪୨ ,୫୮୮ ନମୁନା ପରୀକ୍ଷା କରାଯାଇଥିବା ବେଳେ ୨୭ ତାରିଖରେ ୫,୨୮,୦୦୦ ନମୁନା ପରୀକ୍ଷା ହୋଇଥିଲା | ଏ ଯାବତ ସାରା ଦେଶରେ ୧,୮୮,୩୨,୯୭୦ ନମୁନା ପରୀକ୍ଷା ହେଲାଣି |
