ପ୍ରାଣ ହରାଇଲେ ୬ ଜଣ , ଶହେ ଟପିଲା ମୃତ୍ୟୁ ସଂଖ୍ୟା
ଭୁବନେଶ୍ୱର (ଶାସକ ପ୍ରଶାସକ) : ଆଜି ରାଜ୍ୟରେ ଚିହ୍ନଟ ହୋଇଛନ୍ତି ୬୪୭ କରୋନା ପଜିଟିଭ ରାଜ୍ୟର ୨୩ ରୀ ଜିଲ୍ଲାରୁ | ସେମାନଙ୍କ ମଧ୍ୟରୁ କବାରେଣ୍ଟାଇନରୁ ୪୩୧ଜଣ ଚିହ୍ନଟ ହୋଇଥିବା ବେଳେ ବାହାରୁ ଚିହ୍ନଟ ହୋଇଛନ୍ତି ୨୧୬ ଜଣ | ଫଳରେ ମୋଟ ଆକ୍ରାନ୍ତଙ୍କ ସାଂଖ୍ୟ ୧୮୭୫୭ରେ ପହଂଚିଛି | ସେମାନଙ୍କ ମଧ୍ୟରୁ ସୁସ୍ଥ ହୋଇଥିବା ରୋଗୀଙ୍କ ସଂଖ୍ୟା ୧୨୯୦୯ ଥିବା ବେଳେ ସକ୍ରିୟ ଆକ୍ରାନ୍ତଙ୍କ ସଂଖ୍ୟା ୫୭୨୫ରେ ପହଂଚିଛି | ସେହିପରି ରାଜ୍ୟରେ କରୋନା ମୃତ୍ୟୁ ୧୦୦ ଡେଇଁଛି । ଗତ ୨୪ ଘଣ୍ଟାରେ ୬ ଜଣଙ୍କ ମୃତ୍ୟୁ ଘଟିଛି | ମୃତକଙ୍କ ମଧ୍ୟରେ ଅଛନ୍ତି କେନ୍ଦ୍ରାପଡ଼ା, କଟକ, ଗଜପତି, ଜଗତସିଂହପୁର, ଖୋର୍ଦ୍ଧା ଓ ରାୟଗଡ଼ାରୁ ଜଣେ ଲେଖାଏଁ । ଏମାନଙ୍କୁ ମିଶାଇ ଏପର୍ଯ୍ୟନ୍ତ ରାଜ୍ୟରେ କରନା ମୃତ୍ୟୁ ୧୦୩ରେ ପହଂଚିଛି ।
ଆଜି ଚିହ୍ନଟଙ୍କ ମଧ୍ୟରେ ଗଂଜାମରୁ ସର୍ବାଧିକ ୨୨୫ ଜଣ ଥିବା ବେଳେ ଅନୁଗୁଳ ୩୭, ବାଲେଶ୍ୱର ୪୦, ବରଗଡ ୪, ଭଦ୍ରକ ୧୨, ବଲାଙ୍ଗୀର ୫, କଟକ ୮୪, ଢେଙ୍କାନାଳ ୧୦, ଜଗତସିଂହପୁର ୭, ଯାଜପୁର ୨, କନ୍ଧମାଳ ୫, କେନ୍ଦ୍ରାପଡା ୧୩, ଖୋର୍ଦ୍ଧା ୬୮, କେନ୍ଦୁଝର ୮, କୋରାପୁଟ ୨୮, ମାଲକାନଗିରି ୧୦, ମୟୁରଭଞ୍ଜ ୩, ନବରଙ୍ଗପୁର ୨, ନୟାଗଡ ୪, ରାୟଗଡା ୪୭, ସମ୍ବଲପୁର ୧୦, ସୋନପୁର ୧ ଓ ସୁନ୍ଦରଗଡ ୨୨ଜଣ ଚିହ୍ନଟ ହୋଇଛନ୍ତି |
