ପଜିଟିଭ ସଂଖ୍ୟା ୩୨୭ : ସୁସ୍ଥ ସଂଖ୍ୟା ୨୨୦, ସକ୍ରିୟ ସଂଖ୍ୟା ୧୦୫

ବାରିପଦା(ଦିଲ୍ଲୀପ ମହାନ୍ତି )- ଆଜି ମୟୂରଭଞ୍ଜ ଜିଲ୍ଲାର କପ୍ତିପଦା-୧, ବେତନଟୀ-୧, ବିଜାତଳା-୨, ବିଶୋଇ-୨, ଜାମଦା ବ୍ଲକରୁ ୪ ଏହିପରି ମୋଟ ୧୦ ଜଣ ନୂଆ କରୋନା ପଜିଟିଭ ଚିହ୍ନଟ ହୋଇଛନ୍ତି । ଏମାନଙ୍କ ମଧ୍ୟରେ ସଙ୍ଗରୋଧ କେନ୍ଦ୍ରରୁ ୨ ଜଣ କରୋନା ସଂକ୍ରମିତ ହୋଇଥିବା ବେଳେ ଏମାନେ କର୍ଣ୍ଣାଟକ-୧ ଓ ଦିଲ୍ଲୀରୁ-୧ ଫେରି ସିଧାସଳଖ ଭାବେ ସଙ୍ଗରୋଧ କେନ୍ଦ୍ରରେ ରହି ଆସୁଥିଲେ । ସେହିପରି ଭୂବନେଶ୍ୱରରେ ବେତନଟୀ ବ୍ଲକ ଅଞ୍ଚଳର ଜଣେ ଅଧିବାସୀଙ୍କ ସହ ଜାମଦା ବ୍ଲକ ଅଞ୍ଚଳରୁ- ୩ ଜଣ ଲୋକାଲ କଣ୍ଟାକ୍ଟରୁ  ଚିହ୍ନଟ ହୋଇଥିବା ସମୟରେ କପ୍ତିପଦା ବ୍ଲକରୁ-୧, ବିଶୋଇ ବ୍ଲକରୁ-୨ ଓ ଜାମଦା ବ୍ଲକ ଅଞ୍ଚଳରୁ ଜଣକୁ ମିଶାଇ ମୋଟ ୪ ଜଣ କରୋନା ଯୁଦ୍ଧାଙ୍କ ରିପୋର୍ଟ ପଜିଟିଭ ରହିଛି । ଚିହ୍ନଟ ହୋଇଥିବା ସମସ୍ତ ସଂକ୍ରମିତମାନଙ୍କୁ କୋଭିଡ଼ ହସପିଟାଲରେ ଚିକିତ୍ସା ନିମନ୍ତେ ଭର୍ତ୍ତି କରାଯାଇଛି ଏବଂ ସେମାନଙ୍କ ଟ୍ରାଭେଲ ହିଷ୍ଟ୍ରି ଯାଞ୍ଚ କରାଯାଉଛି ବୋଲି ମୟୂରଭଞ୍ଜ ଜିଲ୍ଲା ପ୍ରଶାସନ ପକ୍ଷରୁ ସୂଚନା ମିଳିଛି । ତେବେ ଆଜିକୁ  ମିଶାଇ ଜିଲ୍ଲାରେ ପଜିଟିଭ ସଂଖ୍ୟା ୩୨୭ରେ ପହଁଞ୍ଚି ଥିବା ସମୟରେ ସକ୍ରିୟ ସଂଖ୍ୟା ୧୦୫,  ସୁସ୍ଥ ସଂଖ୍ୟା- ୨୨୦ ଏବଂ  ଜିଲ୍ଲା ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ସୂତ୍ରରୁ ମୃତୁ୍ୟ ସଂଖ୍ୟା ୨ ଥିବାର ଜଣାପଡ଼ିଛି ।