ବାହାରୁ ଚିହ୍ନଟ ଆକ୍ରାନ୍ତ ସଂଖ୍ୟା ବଢ଼ାଇଛି ଚିନ୍ତା
ଭୁବନେଶ୍ୱର (ଶାସକ ପ୍ରଶାସକ) : ଆଜି ଖୋର୍ଦ୍ଧା ଜିଲ୍ଲାରେ ୫୯ଜଣ କରୋନା ପଜିଟିଭ ଚିହ୍ନଟ ହୋଇଥିବା ବେଳେ ଭୁବନେଶ୍ୱର ମହାନଗରନିଗମ ଅଂଚଳରୁ ଚିହ୍ନଟ ହୋଇଛନ୍ତି ୪୫ ଜଣ | କ୍ଵରେଣ୍ଟାଇନ ସେଂଟରରୁ ୩୫ ଜଣ ଚିହ୍ନଟ ହୋଇଥିବା ବେଳେ ସର୍ବସାଧାରଣ ଅଂଚଳରୁ ଚିହ୍ନଟ ହୋଇଛନ୍ତି ୧୦ ଜଣ | ସୂଚନା ଯୋଗ୍ୟ ଯେ କାଲି ବିଏମସି ଅଂଚଳରୁ ଗତକାଲି ଚିହ୍ନଟ ହୋଇଥିବା ୩୨ ଜଣଙ୍କ ମଧ୍ୟରୁ ୧୮ଜଣ ଚିହ୍ନଟ ହୋଇଥିଲେ ସର୍ବସାଧାରଣ ଅଂଚଳରୁ | ସେହିପରି ପଅରଦିନ ଚିହ୍ନଟ ହୋଇଥିବା ୪୬ ଜଣଙ୍କ ମଧ୍ୟରୁ ୨୪ ଜଣ ଚିହ୍ନଟ ହୋଇଥିଲେ ସର୍ବସାଧାରଣ ଅଂଚଳରୁ | ତାପୂର୍ବଦି ହୋଇଥିବା ୨୯ ଜଣଙ୍କ ମଧ୍ୟରୁ ୧୪ ଜଣ ସର୍ବସାଧାରଣ ଅଂଚଳରୁ ଚିହ୍ନଟ ହୋଇଥିଲେ | ତେଣୁ ବର୍ତ୍ତମାନ ପାଇଁ ଚିନ୍ତାର କାରଣ ହେଉଛି ସର୍ବସାଧାରଣ ଅଂଚଳରୁ ଚିହ୍ନଟ ହୋଇଥିବା ଆକ୍ରାନ୍ତ | ଭୁବନେଶ୍ୱର ମହାନଗର ନିଗମ ପକ୍ଷରୁ ବିଭିନ୍ନ ପ୍ରକାର ସଚେତନତା କାର୍ଯ୍ୟକ୍ରମ ଓ ପୋଲିସ ପକ୍ଷରୁ ଏତେ କଟକଣା କରାଯିବ ସତ୍ତ୍ୱେ ଲଗାତାର ଭାବେ ବାହାରୁ ଚିହ୍ନଟ ହୋଇଥିବା ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଇବା ଗଣ ସଂକ୍ରମଣ ଆଶଙ୍କା ଦେଖାଦେଇଛି |
