ଧର୍ମଗଡ ସୁଶାନ୍ତ ରାଉତ: ଧର୍ମଗଡ ଥାନା ଲୁହଗାଁର ଏକ ବିଲରୁ ଜଣେ ଅଜଣା ଯୁବକଙ୍କ ଝୁଲନ୍ତା ମୃତ ଦେହ ଉଦ୍ଧାର ହେଇଛି । ଏହି ଗ୍ରାମର ଏକ କୃଷି କ୍ଷେତ୍ର ଏକ ବୃକ୍ଷରେ ଯୁବକଙ୍କ ମୃତ ଦେହ ଝୁଲି ରହିଥିବା ଦେଖିବାକୁ ମିଳିଥିଲା । କନାଗାଁ ସରପଞ୍ଚ ପ୍ରତିନିଧି ଏହି ଅଭାବନୀୟ ଘଟଣା ସମ୍ପର୍କରେ ଜାଣିବାପରେ ଧର୍ମଗଡ ଥାନା ଅଧିକାରୀଙ୍କୁ ଫୋନ କରିଥିଲେ । ଖବର ପାଇ ଧର୍ମଗଡ଼ ପୋଲିସ ଘଟଣାସ୍ଥଳରେ ପହଂଚି ଶବ ଜବତ କରି ବ୍ୟବଚ୍ଛେଦ ପାଇଁ ପଠେଇଦେଇଛି । ଏ ପର୍ଯ୍ୟନ୍ତ ମୃତ ଯୁବକଙ୍କ ପରିଚୟ ମିଳିପାରି ନାହିଁ ।