ଗୋଟିଏ ଦିନରେ ସୁସ୍ଥ ହୋଇ ଘରକୁ ଫେରିଲେ ୨୩୭ ଜଣ
ଭୁବନେଶ୍ୱର : କରୋନାରେ ରାଜ୍ୟରେ ଆଉ ଜଣଙ୍କର ମୃତ୍ୟୁ ହୋଇଥିବା ବେଳେ ଆଜି ସର୍ବକାଳୀନ ରେକର୍ଡ ହୋଇଛି ରୋଗୀ ସୁସ୍ଥ ହେବାରେ | ଆଜି ସୁସ୍ଥ ହୋଇ ଘରକୁ ଫେରିଛନ୍ତି ୨୩୭ ଜଣ | ଫଳରେ ରାଜ୍ୟରେ କରୋନାରେ ସୁସ୍ଥ ହୋଇଥିବା ଲୋକଙ୍କ ସଂଖ୍ୟା ପହଂଚିଛି ୩୫୩୪ରେ | ଆଜି ପ୍ରାଣ ହରାଇଥିବା ବ୍ୟକ୍ତି ଜଣକ ପୁରୀର | ତାଙ୍କ ବୟସ ୬୦ ବର୍ଷ | କରୋନା ପାଇଁ ସେ ଚିକିତ୍ସିତ ହେଉଥିବା ବେଳେ ଦୀର୍ଘଦିନ ଧରି ସେ ଅବଷ୍ଟ୍ରକ୍ଟିଭପାଲମୋନାରୀ ଡିଜିଜରେ ଆକ୍ରାନ୍ତ ଥିଲେ | ଫଳରେ ମୃତକଙ୍କ ସଂଖ୍ୟା ୧୨ରେ ପହଂଚିଛି | ଆଜି ସୁସ୍ଥ ହୋଇଥିବା ଲୋକଙ୍କ ମଧ୍ୟରେ କଟକରୁ ସର୍ବାଧିକ ୭୦ ଜଣ, 54 ଜଣ ଖୋର୍ଦ୍ଧାରେ, ୨୦ ଜଣ ଜଗତସିଂହପୁରରୁ, ୧୯ ଜଣ କନ୍ଧମାଳ, ୧୭ ଜଣ ଗଂଜାମରୁ, ଭଦ୍ରକ ଓ ମୟୁରଭଞ୍ଜରୁ ୯ ଜଣ ଲେଖାଏ, କେନ୍ଦୁଝର ୮ ଜଣ, ଢେଙ୍କାନାଳ ଓ ପୁରୀରୁ 7 ଜଣ ଲେଖାଏ , କେନ୍ଦ୍ରାପଡ଼ା ଓ ନୟାଗଡରୁ ୪ ଜଣ ଲେଖାଏ, କଳାହାଣ୍ଡି ମାଲକାନଗିରି ଓ ସମ୍ବଲପୁରରୁ ୨ ଜଣ ଲେଖାଏ, ବୌଧ, ଝାରସୁଗୁଡା ଓ ସୁନ୍ଦେରଗଡରୁ ଜଣେ ଲେଖାଏ ଅନ୍ତର୍ଭୁକ୍ତ |
